ރައީސުލްޖުމްހޫރިއްޔާ ސިނަމާލެ ބްރިޖް ހުޅުއްވައިދެއްވައިފި

ރައީސުލްޖުމްހޫރިއްޔާ ސިނަމާލެ ބްރިޖް ހުޅުއްވައިދެއްވައިފި އެވެ.

ބުރާސްފަތި ދުވަހުގެރޭ ހަވާ އެރުވުމުގެ ހަރަކާތްތަކާއި އެކު ބްރިޖް ހުޅުވައިދެއްވީ، ރައީސުލްޖުމްހޫރިއްޔާ އަބުދުﷲ ޔާމީން އަބުދުލް ގައްޔޫމެވެ.

ބްރިޖް ހުޅުވައި ދެއްވުމުގެ ރަސްމިއްޔާތުގައި ވާހަކަފުޅު ދައްކަވަމުން ރައީސް ވިދާޅުވީ، މިއީ އެއް ގައުމެއް އެއް ބައެއް ކަމަށާއި ދިވެހިން އަބަދުވެސް ތިބޭނީ ރަތާއި ފެހި އަދި ހުދު ކުލައިގެ ދިދަ ހިފައިގެން ކަމަށެވެ. އަދި ދިވެހިން ތިބޭނީ އިސްލާމްދީން ކަންމަތީ އެ ފަހުރުވެރިކަމާއެކު ކަމަށް ވެސް ވިދާޅުވި އެވެ. ޗައިނާއަށް ވަރަށް ބޮޑަށް ޝުކުރު އަދާ ކުރައްވާއި ބްރިޖަކީ ދެ ގައުމުގެ ވަރުގަދަ ގުޅުމުގެ ރަމުޒު ކަމަށް އެމަނިކުފާނު ވިދާޅުވިއެވެ.

"ބްރިޖު ހުޅުވިގެން ދިޔުމަކީ ރާއްޖެއަށް އާ ދިރުމެއް ލިބިގެން ދާނެ ކަމެއް، އިތުރު ފަސޭހަތަކެއް ވެގެން ދާނެ ކަމެއް" ރައީސް ވިދާޅުވިއެވެ.

ޗައިނާގެ އެހީގައި ބްރިޖު އެޅުމުގެ މަސައްކަތް ފެށީ 2015 އަހަރުއެވެ. ބްރިޖްގެ މަޝްރޫއަށް 200 މިލިއަން ޑޮލަރު ޚަރަދުވިއިރު އޭގެތެރެއިން 116 މިލިއަން ޑޮލަރަކީ ޗައިނާގެ ލޯނުއެހިއެވެ. އަދި 72 މިލިއަން ޑޮލަރަކީ އެގައުމުގެ ހިލޭ އެހިއެވެ. އަދި މި މަޝްރޫއަށް ދައުލަތުގެ ބަޖެޓުން 12 މިލިއަން ޑޮލަރު ވަނީ ޚަރަދުކޮށްފައެވެ.

ޗައިނާގެ ސީސީސީސީ ސެކަންޑް ހާބަ އިންޖިނިއަރިން ކުންފުންޏާ ހަވާލުކޮށްގެން ހެދީ މި ބްރިޖްގެ މަސައްކަތް ކުރުމަށް 1000 އަށް ވުރެ ގިނަ މުވައްޒަފުން މަސައްކަތް ކުރިއެވެ. ބްރިޖް ރަސްމީކޮށް އާއްމުންނަށް ހުޅުވާލާނީ ސެޕްޓެމްބަރު މަހުގެ 7 ވަނަ ދުވަހުއެވެ.