ރައީސުލްޖުމްހޫރިއްޔާ، ޗައިނާގެ ރައީސަށް ތައުޒިޔާ ފޮނުއްވައިފި

ޗައިނާގެ ސިޗުއާން ޕްރޮވިންސްގައި ހިންގި ބިންގަނޑު ފޭބުމުގެ ހާދިސާގައި އެތައް ބަޔަކު މަރުވެ މުދަލަށާއި އިމާރާތްތަކަށް ބޮޑެތި ގެންލުންތަކެއް ލިބުމާ ގުޅިގެން، ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ޗައިނާގެ ރައީސް ޝީ ޖިންޕިންގއަށް ހޮނިހިރު ދުވަހު ތައުޒިޔާގެ މެސެޖެއް ފޮނުއްވައިފިއެވެ.

މި މެސެޖުގައި ރައީސުލްޖުމްހޫރިއްޔާ ވިދާޅުވީ ޗައިނާއަށް ކުރިމަތިވި ޤައުމީ ހިތާމައިގެ މި ދަނޑިވަޅުގައި، ޗައިނާގެ ރައީސަށާއި، ސަރުކާރަށާއި، ރައްޔިތުންނަށް އިޚްލާސްތެރި ހަމްދަރުދީ އާއި، އަދި މަރުވި މީހުންގެ އާއިލާތަކަށް ތައުޒިޔާ ފޮނުއްވާ ކަމަށެވެ.

ޗައިނާގެ ސިޗުއާން ޕްރޮވިންސްގައި ހިނގި މި ހާދިސާގައި 120 މީހުންނަށްވުރެ ގިނަ މީހުން ވަނީ ގެއްލިފައެވެ.

މީގެ ކުރިން ވެސް 1991 ވަނަ އަހަރު ޗައިނާއަށް ވަނީ ބިންގަނޑު ފޭބުމުގެ ހާދިސާއެއް ކުރިމަތިވެފައެވެ. އަދި އެ ހާދިސާގައި 216 މީހުން ވަނީ މަރުވެފައެވެ.