އަދިވެސް ޗާޓުގެ އެންމެ ކުރީގައި ދިލްބަރް
މިހާތަނަށް 182 މިލިއަނަށް ވުރެ ގިނަ ވިއުސް ވަނީ ލިބިފައި
ދިލްބަރް ލަވައިގެ ސްކްރީންޝޮޓެއް
ޖުލައި 3 ގައި ސިނަމާތަކަށް އައި ފިލްމު "ސަތްޔަމޭވަ ޖަޔަތޭ"ގެ ލަވައެއް ކަމަށްވާ "ދިލްބަރް" ދަނީ އަދިވެސް ބޮލީވުޑްގެ ޗާޓުގައި ފިޔަ ޖަހަމުންނެވެ.
މިހާތަނަށް "ދިލްބަރް" އަށް ޔޫޓިއުބްގައި 182 މިލިއަނަށް ވުރެ ގިނަ ވިއުސް ވަނީ ލިބިފައެވެ. މީގެ އޮރިޖަނަލް ލަވައަކީ 1999 ވަނަ އަހަރު މިސް ޔުނިވާސް، ސުޝްމީތާ ސެން އެކްޓްކޮށްފައިވާ ފިލްމު "ސިރުފް ތުމް"ގެ ލަވައެކެވެ. އެ މިފިލްމްގައި އެ ލަވައިން ފެނިގެންދަނީ ސުޝްމީތާ އާއި ސަންޖޭ ކަޕޫރެވެ
އެ ލަވައިގެ ރިމޭކް ލަވަ ކިޔާފައި ވަނީ ނިހާ ކައްކަރު ދްވާނީ ބާނޫޝާލީ އަދި އިއްކާއެވެ.
ކެނެޑާގެ ނެށުންތެރިޔާ ނޯރާ ފަތެހީގެ ކުޅަދާނަ ނެށުންތައް ފެނިގެންދާ މި ލަވައަށް އެތައް ބައެއްގެ ތަރުހީބު ލިބެމުންދާއިރު ލަވަ ވަނީ ބިލްބޯޑްސްގެ ތިން ވަނަ އަށް އަރާފައެވެ. މިއީ އިންޑިއާގެ ލަވައެއް އެ ޗާޓަށް އެރި ފުރަތަމަ ފަހަރެވެ.
