57 އަހަރުގެ އެޑީ މާރފީ ދިހަ ވަނަ ދަރިފުޅުގެ އިންތިޒާރުގައި
30 އޯގަސްޓު 2018 | ބުރާސްފަތި 10:02އޭނާގެ ލޯބިވެރިޔާ ވިހަނީ މިއަހަރުގެ ޑިސެމްބަރުގައި
އެޑީ މާރފީ
އެކްޓަރ އެޑީ މާރފީ އޭނާއަށް ލިބެންއުޅޭ ދިހަ ވަނަ ދަރިފުޅުގެ އިންތިޒާރުގައި ހުރި ކަމަށް ޚަބަރުތައް ބުނެފިއެވެ.
މާރފީގެ ރިޕްރެޒެންޓޭޓިވް ބުނެފައި ވަނީ މާރފީ އާއި އޭނާގެ ދުވަސްވީ ލޯބިވެރިޔާ ޕެއިޖް ބުޗާ އަށް ދެ ވަނަ ދަރިފުޅަކު މި އަހަރުގެ ޑިސެމްބަރު މަހު ލިބޭނެ ކަމަށެވެ.
އޮސްޓްރޭލިއާއަށް ނިސްބަތްވާ، އުމުރުން 39 އަހަރުގެ އެކްޓަރ ބުޗާ މާޖެހި ފޮތީގެ މެކްސީއެއްގައި އިސްތަށިގަނޑު ނިއުޅާލާފައި ހުއްޓާ ނަގާފައިވާ ފޮޓޯއެއް ފެނިގެން ގޮސްފައި ވާއިރު އެ ފޮޓޯގައި ބުޗާގެ ބަނޑު ވަނީ ފާޅުވާން ފަށާފައެވެ.
މި ދެމީހުން 2012 ވަނަ އަހަރުން ފެށިގެން އެކުގައި އެޅެމުންދާއިރު މި ދެ މީހުންނަށް ވަނީ ދެ އަހަރުގެ އަންހެން ދަރިފުޅެއް ލިބިފައެވެ. އެ ދަރިފުޅުގެ ނަމަކީ އިޒީ އޫނާއެވެ.
ލެޖެންޑަރީ އެކްޓަރ އަދި ކޮމިޑިއަން މާރފީ އަށް ވަނީ ކުރީގެ ގުޅުންތަކުން އަށް ކުދިން ލިބިފައެވެ. އޭނާގެ ދޮށީ ފިރިހެންދަރިފުޅު އެރިކްގެ އުމުރަކީ 29 އަހަރެވެ.
