ޔުނައިޓެޑާއެކު ޑެހޭއާ އައު އެއްބަސްވުމެއްގައި ސޮއިކުރަނީ

މެންޗެސްޓާ ޔުނައިޓެޑަށް ކުޅެމުން އަންނަ ސްޕެއިންގެ ކީޕަރު ޑޭވިޑް ޑެހޭއާ އެޓީމާއެކު އައު އެއްބަސްވުމެއްގައި ސޮއިކުރަން އުޅޭ ކަމަށް ރިޕޯޓްތައް ބުނެފިއެވެ.

އުމުރުން 27 އަހަރުގެ ޑެހޭއާ ރެއާލްއާއެކު ހަދާފައިވާ އެއްބަސްވުން ހަމަވާނީ 2019 ވަނަ އަހަރުއެވެ. މި އެއްބަސްވުމުގައި އިތުރު އެއް އަހަރަށް އޭނާ އެޓީމުގައި މަޑުކުރުވުމުގެ ފުރުސަތު ޔުނައިޓެޑަށް އޮންނާނެއެވެ.

ޔުނައިޓެޑަށް ޑެހޭއާގެ ކޮންޓްރެކްޓް އައުކުރުމުގެ ފުރުސަތު ބޮޑުވެގެންދިޔައީ ރެއާލް މެޑްރިޑްއިން އައު ކީޕަރަކު ގެންދިޔުމާއި ގުޅިގެންނެވެ. އެގޮތުން ރެއާލްއިން ވަނީ ޗެލްސީއަށް ކުޅެމުން ދިޔަ ބެލްޖިއަމްގެ ކީޕަރު ތީބައު ކޯޓުއާ އެޓީމަށް ގެނެސްފައެވެ. އޭނާ ރެއާލްއަށް ގެންދިޔައީ 35 މިލިއަން ޕައުންޑްގެ ފީއަކަށެވެ.

2015 ވަނަ އަހަރުން ފެށިގެން ރެއާލްއިން އަންނަނީ ޑެހޭއާ ހޯދުމަށް ތަކުރާރުކޮށް މަސައްކަތްކުރަމުންނެވެ. 2011 ވަނަ އަހަރު އެޓްލެޓިކޯ މެޑްރިޑްއިން ރެއާލްއަށް ބަދަލުވި ޑެހޭއާ ވަނީ ޔުނައިޓެޑްގެ އެންމެ މޮޅު ކުޅުންތެރިޔާގެ އެވޯޑް ހަތަރު ފަހަރު ހޯދާފައެވެ. ޔުނައިޓެޑުން އުއްމީދުކުރާ ގޮތުގައި އޭނާ ރެއާލްއާއެކު ސޮއިކުރާނީ ދިގު މުއްދަތެއްގެ އެއްބަސްވުމެއްގައެވެ.

ޑެހޭއާ ވަނީ ޔުނައިޓެޑަށް މިހާތަނަށް 316 މެޗު ކުޅެދީ އެޓީމާއެކު ޕްރިމިއާ ލީގަކާއި ޔުއެފާ ޔުރޮޕާ ލީގެއް ކާމިޔާބުކޮށްފައެވެ.