ކަވާން ޕްރޮމޯޝަންގެ ނަސީބުވެރިޔާ ހޮވައިފި

ލިލީ އިންޓަރނޭޝަނަލް ކުންފުނިން ކުރިއަށް ގެންދިޔަ "ކަވާން" ބްރޭންޑް ގެ ތައްޔާރީ ރޮށި "ހިލޭ" ލިބޭ ޕްރޮމޯޝަންގެ ނަސީބުވެރިޔާ ހޮވައިފިއެވެ.

ރޯދަ މަހުން ފެށިގެން ޖުލައި 30 ވަނަ ދުވަހުގެ ނިޔަލަށް ކުރިއަށް ގެންދިޔަ މި ޕްރޮމޯޝަންގެ ނަސީބު ވެރިޔާއަށް ހޮވާފައިވަނީ ލިލީ އިންޓަރނޭޝަނަލް އިން ހިންގާ ސްޓޮޕް އެންޑް ޝޮޕް ފިހާރައިގައެވެ.

ލިލީ އިންޓަރނޭޝަނަލްގެ ފަރާތުން ވަނީ ލިލީ އިންޓަރނޭޝަނަލްގެ ކޮންމެ ފިހާރައަކުންވެސް ކަވާން ބްރޭންޑުގެ ތަކެތި ހަ މަސް ދުވަސް ވަންދެން ބައްލަވައިގަތުމަށް ވައުޗަރއެއް ނަސީބުވެރިޔާ އަށް އިނާމުގެ ގޮތުގައި ދީފައެވެ.

ޕްރޮމޯޝަންގެ ނަސީބުވެރިޔަކަށް ހޮވިފައިވަނީ ޒިފްލުޝާ އެވެ. އެ ފަރާތުގެ ކޫޕަން ނަމްބަރަކީ 15539 އެވެ.

ޕްރޮމޯޝަންގެ ނަސީބުވެރިޔާ ހޮވުން -- ފޮޓޯ: ރާއްޖެ.އެމްވީ

މަޝްހޫރު ކަވާން ބްރޭންޑްގެ އުފެއްދުންތަކަކީ ފާއިތުވި 12 އަހަރު ލިލީ އިންޓަނޭޝަނަލް އިން އެތެރެކޮށް ވިއްކާ، ދިވެހިންގެ މެދުގައި ވަރަށް މަގުބޫލު އުފެއްދުންތަކެކެވެ. އަދި އެ ބްރޭންޑްގެ އުފެއްދުންތައް ފަސޭހަކަމާއެކު ތައްޔާރު ކޮށްލެވޭއިރު އާންމުން ދަނީ އޭގެ ރަހަތަކަށް ތައުރީފު ކުރަމުންނެވެ.

ޕްރޮމޯޝަންގެ ނަސީބުވެރިޔާ ހޮވުން -- ފޮޓޯ: ރާއްޖެ.އެމްވީ

ލިލީ އިންޓަރނޭޝަނަލްގެ ފަރާތުން މާލެ އާއި ވިލިނގިލީގައި ޖުމްލަ 11 ފިހާރަ ހިންގައެވެ.