ރާއްޖެ
މީހަކު ވެއްޓި މަރުވުން
ގެއެއްގެ 5 ވަނަ ބުރިން ދުވަސްވީ މީހަކު ވެއްޓި މަރުވެއްޖެ
ވެއްޓިފައިވަނީ މ. ކްރިމްސަންރޯސް ގޭގެ ފަސްވަނަ ބުރިން
އަހުމަދު މުހުސިނު, ރާއްޖެ އެމްވީ | 4 އޯގަސްޓު 2018 | ހޮނިހިރު 21:47
ވެއްޓި މަރުވި މީހާ
ގެއެއްގެ 5 ވަނަ ބުރިން އުމުރުން ދުވަސްވީ މީހަކު ވެއްޓި މަރުވެއްޖެއެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުގައި މ. ކްރިމްސަންރޯސް ގޭގެ ފަސްވަނަ ބުރިން ވެއްޓި މަރުވެފައިވަނީ ތ. ގާދިއްފުށި ވައިލެޓްމާގެ ހުސައިން އަހުމަދު (69އ) އެވެ.
އައިޖީއެމް ހޮސްޕިޓަލުގެ އޮފިޝަލަކު ވިދާޅުވި ގޮތުގައި، ހޮނިހިރު ދުވަހުގެރޭ 10:30 އެހާކަށް ހާއިރު ހިނގި ހާދިސާގައި އަނިޔާވި މީހާ މަރުވީ، އެ ހޮސްޕިޓަލުގައި ފަރުވާދެމުން ދަނިކޮށް ކަމަށެވެ.
މައުލޫމާތު ލިބިފައިވާ ގޮތުގައި އޭނާއަކީ ސިކުނޑީގެ އުނިކަން ހުންނަ މީހެކެވެ.
މިކަމާ ގުޅޭގޮތުން ފުލުހުންނަށް ގުޅުމުން ފޯނަށް ޖަވާބު ދެއްވާފައި ނުވާތީ އަދި ފުލުހުންގެ ބަހެއް ވަނީ ލިބޭގޮތް ނުވެފައެވެ.
