ހުޅުމާލޭ ދެވަނަ ފިޔަވަހީގައި މިސްކިތެއް ބިނާކުރަން އަމިއްލަ ފަރާތަކާ އެކު ސޮއިކޮށްފި
2 އޯގަސްޓު 2018 | ބުރާސްފަތި 17:07މި މިސްކިތަކީ އެއްފަހަރާ 650 މީހުންނަށް ނަމާދު ކުރެވޭނެ ޖާގައިގެ މިސްކިތް
އެބަސްވުމުގައި ސޮއިކުރުމަށް ބޭއްވި ރަސްމިއްޔާތުގެ ތެރެއިން: ފޮޓޯ އެޗްޑީސީ
ހުޅުމާލޭ ދެވަނަ ފިޔަވަހީގައި މިސްކިތެއް ބިނާކުރަން އަމިއްލަ ފަރާތަކާ އެކު އެއްބަސްވުމުގައި ސޮއިކޮށްފިއެވެ.
މިސްކިތް ބިނާކުރަން ސޮއިކޮށްފައި ވަނީ ހިލޭ ސާބަހަށް މިސްކިތެއް ބިނާކުރަން ހުށަހެޅި އަމިއްލަ ފަރާތެއް ކަމަށްވާ ސައުދު ޔޫސުފްއާ އެކުއެވެ. އެޗްޑީސީގެ ފަރާތުން ސޮއިކުރެއްވީ ކުންފުނީގެ ލީގަލް އެފެއާޒް ޑިރެކްޓަރު ޑރ. ފާތިމަތު ޝިއުނީއެވެ.
ދެވަނަ ފިޔަވަހީގައި ބިނާ ކުރާ މި މިސްކިތަކީ އެއްފަހަރާ 650 މީހުންނަށް ނަމާދު ކުރެވޭނެ ޖާގައިގެ މިސްކިތެކެވެ. މިއީ ހުޅުމާލެ ދެވަނަ ފިޔަވަހީގައި ބިނާކުރާ ދެވަނަ މިސްކިތެވެ.
ހުޅުމާލެ ފުރަތަމަ ފިޔަވަހީގައި މިހާރު ހަތް މިސްކިތެއް ހުރެއެވެ. އެޗްޑީސީން ބުނީ ހުޅުމާލެ ފުރަތަމަ ފިޔަވަހީގެ ކޮންމެ ނެއިބާހޫޑެއްގެ ކައިރީގައި މަދުވެގެން އެއް މިސްކިތް ހުންނާނެ ކަމަށެވެ.
