މާލޭގައި ކުޑަ ފިރިހެން ކުއްޖަކަށް ބުދަ ދުވަހުގެ ރޭ ވަޅިން ހަމަލާދީ ޒަހަމްކޮށްލައިފިއެވެ.

ރާއްޖެއެމްވީއަށް މައުލޫމާތު ލިބިފައިވާ ގޮތުގައި ވަޅިން ހަމަލާދީ ޒަހަމްކޮށްލާފައި ވަނީ އުމުރުން 14 އަހަރުގެ ފިރިހެން ކުއްޖަކަށެވެ. އެ ކުއްޖާގެ ގަޔަށް ވަޅި ހަރާފައި ވަނީ ބުދަ ދުވަހުގެ ރޭ އިރުއޮއްސި 18:30 ހާއިރު ކަމަށެވެ.

އޭނާގެ ބޮލުގެ ދެ ތަނަކަށާއި ފަޔަށް ވަނީ ވަޅި ހަރަފައިވާއިރު ފުރަތަމަ ފަރުވާ ދިނުމަށް ގެންދިޔައީ ސެނެހިޔާއަ  ވެ ވެ. ނަމަވެސް އިތުރު ފަރުވާއަށް ވަނީށެެ އައިޖީއެމްއެޗަށް ގެންގޮސްފައެވެ.

އައިޖީއެމްއެޗްގެ މީޑިއާ އޮފިސަރު ވިދާޅުވީ ބުދަ ދުވަހުގެ ރޭ 21:00 ހާއިރު ފިރިހެން ކުއްޖެއް ހޮސްޕިޓަލަށް ގެނެސްފައިވާ ކަމަށާއި، އޭނާ އަށް ސީރިއެސް އަނިޔާއެއް ލިބިފައިވާ ނުވާ ކަމަށެވެ. އަދި މިރޭގެ ވަގުތެއްގައި އެ ކުއްޖާ ގެއަށް ދޫކޮށްލާނެ ކަމަށް އޮފިސަރު ވިދާޅުވިއެވެ.

އެ މައްސަލައާ ގުޅިގެން ފުލުހުންގެ ބަހެއް ވަނީ ލިބޭ ގޮތް ނުވެފައެވެ. ބުދަ ދުވަހުގެ ރޭ ކުޑަ ކުއްޖަކަށް ވަޅިން ހަމަލާ ދީފައިވާއިރު މިހަފްތާގައި ހުޅުމާލޭގައި ވެސް ވަނީ ދެ މާރާމީއެއް ހިންގާފައެވެ.