މިނިސްޓްރީ އޮފް ފިޝަރީޒް އެންޑް އެގްރިކަލްޗާރ އިން އިތުރު 21 ފަޅު ރަށެއް ވަރުވާއަށް ދޫކުރަން އިއުލާން ކޮށްފިއެވެ.

ފިޝަރީޒް މިނިސްޓްރީ އާދިއްތަ ދުވަހު ކޮށްފައިވާ އިއުލާނެއްގައި ބުނެފައިވަނީ މ.ފ.ހއ.ހދ.ށ.ރ.ޅ.ކ.އދ.ވ އަތޮޅުގެ ބައެއް ފަޅުރަށްތައް ވަރުވާއަށް ދޫކުރަން ނިންމާފައިވާ ކަމަށެވެ.

ވަރުވާއަށް ދޫކުރުމަށް ނިންމާފައިވާ ރަށްތަކަކީ މ. މާޅަވެލި (އާވެލި) (1.00 ހެކްޓަރު)، މ. ދިއްތުޑި (15.78 ހެކްޓަރު)، މ. ގޮންގަލީހުރާ (1.00 ހެކްޓަރު)، މ. ސީދީހުރާ (1.28 ހެކްޓަރު)، މ. ސީދީހުރާވެލިގަނޑު (3.00 ހެކްޓަރ)، ފ. ކަނޑުމޫނުފުށި (0.84 ހެކްޓަރު)، ފ. އެނބުލުފުށި (1.00 ހެކްޓަރު)، ފ. އަދަންގައު (1.29 ހެކްޓަރު)، ފ. ވިލިނގިލިވަރުފިނޮޅު (0.10 ހެކްޓަރު)، ފ. މަޑިވަރުހުރާ (0.26 ހެކްޓަރ)، ފ. މަގޫދޫބޮޑުފިނޮޅު (0.81 ހެކްޓަރު)، ފ. ދިގުވަރުފިނޮޅު (0.72 ހެކްޓަރު)، ހއ. ކުޑަފިނޮޅު (3.60 ހެކްޓަރު)، ހއ. އުމުރަތްފިނޮޅު (1.09 ހެކްޓަރު)، ހދ. އިންނަފުށި (2.25 ހެކްޓަރު)، ށ. ކުޑަދޫ (3.60 ހެކްޓަރު)، ރ. ދިއްކުރެއްދޫ (4.00 ހެކްޓަރު)، ޅ. ކަޅުމަންޖެހުރާ (0.70 ހެކްޓަރު)، ކ. އިތާފިނޮޅު (0.24 ހެކްޓަރު)، އދ. ކަޅަހަނދިހުރާ (1.16 ހެކްޓަރު) އަދި ވ. ތުނޑުހުރާ (0.10 ހެކްޓަރ) އެވެ.

ފިޝަރީޒް މިނިސްޓްރީން ބުނީ ބިޑްފޯމް ވިއްކުމަށް ހަމަޖެހިފައި ވަނީ މިއަދުން ފެށިގެން 06 އޯގަސްޓުގެ ނިޔަލަށް ކަމަށެވެ. ފޯމެއް ގަންނަން ލިބޭނީ 20 ރުފިޔާއަށްކަން ފާހަގަކޮށް މިނިސްޓްރީން ބުނީ ރަސްމީ ބަންދު ނޫން ކޮންމެ ދުވަހެއްގެ ހެނދުނު 8:30 އިން މެންދުރު 12:00 އަށް ފޯމް ލިބޭނެ ކަމަށެވެ.

މީގެ އިތުރުން މިނިސްޓްރީން ބުނީ ޕްރޮސެސިންގް ފީ ބަލައިގަތުމަށް ހަމަޖެހިފައި ވަނީ އޮގަސްޓުމަހުގެ 7 ވަނަ ދުވަހުން 9 ވަނަ ދުވަހުގެ ނިޔަލަށް ކަމަށާއި، ހެނދުނު 9:00 އިން 12:00 އަށް ޚިދުމަތް ލިބޭނެ ކަމަށެވެ.

ފިޒަރީޝް މިނިސްޓްރީން ބުނީ ފޯމު ހުށަހަޅަން ބޭނުންވާ ފަރާތްތަކަށް މައުލޫމާތު ދިނުމާއި ފޯމު ހުށަހެޅުން އޮންނާނެ ތަނާއި ގަޑި ފަހުން އިއުލާން ކުރާނެ ކަމަށެވެ.