ކޯލިޝަންގެ ކެމްޕެއިން ޓީމް ފުވައްމުލަކަށް ވަޑައިގެންފި
15 ޖުލައި 2018 | އާދީއްތަ 14:38މިއީ އިބޫ އަދި ފައިސަލް އެއްކޮށް ފުވައްމުލަކަށް ކުރެއްވި ފުރަތަމަ ދަތުރުފުޅު
ކޯލިޝަންގެ ރިޔާސީ ކެންޑިޑޭޓް އިބޫ ފުވައްމުލަކަށް ވަޑައިގެންނެވުމާއެކު އެރަށުގެ ރައްޔިތުން މަރުހަބާ ދަންނަވަނީ
ރިޔާސީ އިންތިހާބުގެ ކެމްޕެއިނަށް ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހް (އިބޫ) އާއި އެމަނިކުފާނުގެ ރަނިންގމޭޓް ފައިސަލް ނަސީމް އަދި ކެމްޕެއިން ޓީމް ފުވައްމުލަކަށް ވަޑައިގެންފިއެވެ.
އެބޭފުޅުން ފުވައްމުލަކަށް ވަޑައިގެންނެވީ ހޮނިހިރު ދުވަހުގެ ހަވީރުގެ ވަގުތެއްގައެވެ. އެބޭފުޅުން ފުވައްމުލަކަށް ވަޑައިގެންނެވުމާއެކު އެރަށުން ވަނީ ހޫނު މަރުހަބާއެއް ދަންނަވާފައެވެ. އެގޮތުން އެރަށުގެ ކުދިބޮޑު ގިނަ އަދަދެއްގެ ރައްޔިތުން ވަނީ އިބޫ އަދި ޓީމަށް މަރުހަބާ ދެންނެވުމަށް ނުކުމެފައެވެ. އިބޫ ވަނީ ރައްޔިތުންނާއި ސަލާމްކުރެއްވުމުގައި ގިނަ ވަގުތުތަކެއް ހޭދަކުރައްވައިފައެވެ.
މިއީ ރަނިންގމޭޓަކަށް ހޮވިވަޑައިގަތް ފަހުން ފައިސަލްގެ އަމިއްލަ ރަށް ކަމަށްވާ ފުވައްމުލަކަށް ކުރައްވާ ފުރަތަމަ ދަތުރުފުޅެވެ. ހަމައެހެންމެ މިއީ ކޯލިޝަންގެ ރިޔާސީ ކެންޑިޑޭޓެއްގެ ހައިސިއްޔަތުން އިބޫ ފުވައްމުލަކަށް ކުރެއްވި ފުރަތަމަ ދަތުރުފުޅެވެ.
ފުވައްމުލަކުން އިބޫއަށް މަރުހަބާ ދަންނަވަނީ
ކުރިޔަށް ހުރި ދުވަސްތަކުގައި ވެސް ދެ ބެފޫޅުން އެއްކޮށް އަދި ވަކިން ވެސް ރާއްޖޭގެ އެކި ހިސާބުތަކަށް ކެމްޕެއިން ދަތުރުތައް ކުރެއްވުމަށް ހަމަޖެހިފައިވާ ކަމަށް ގުޅިފައިވާ ޕާޓީތަކުން ބުނެއެވެ.
ފުވައްމުލަކުގެ ކުދިބޮޑު ގިނަ އަދަދެއްގެ ރައްޔިތުން މަރުހަބާ ދެންނެވުމަށް ނުކުތް
