ގެއްލުނު ކޮޅުވެއްޓީގައި ތިބި މީހުން މާލެ ގެނެސްފި

ހަ މީހުންނާއެކު ގެއްލިގެން ހޯދަމުން ދަނިކޮށް، ރާއްޖެއާ 130 ނޯޓިކަލް މޭލް ބޭރުން ފެނުނު ކޮޅުވެއްޓީގައި ތިބި މީހުން އަންގާރަ ދުވަހުގެ ހެނދުނު މާލެ ގެނެސްފިއެވެ.

ކޮޅުވެއްޓި ހޯދުމުގެ އޮޕަރޭޝަންގައި ހަރަކާތްތެރިވި އިންޑިއާގެ މަނަވަރުގައި މި ހަ މީހުން މާލެ ގެނެސްފައިވާއިރު އެންމެންގެ ހާލުވެސް ރަނގަޅު ކަމަށް އެމްއެންޑިއެފުން މައުލޫމާތުދިނެއެވެ.

ގެއްލިގެން ހޯދަމުން ދަނިކޮށް ލ. އިސްދޫ މުއްޔާ 130 ނޯޓިކަލް މޭލް ބޭރުން މިކޮޅުވެއްޓި ފެނިފައިވަނީ ހޮނިހިރު ދުވަހު ރޭގެ ވަގުތެއްގައި އިންޑިއާގެ ނޭވީ މަތިންދާ ބޯޓަށެވެ.

"މާރިޔާ-3" ނަމަކަށް ކިޔާ މި ކޮޅުވެއްޓީގައި ތިބީ 2 ދިވެހިންނާއި 4 ބިދޭސީނެވެ. ދެ ދިވެހިންނަކީ ކޮޅުވެއްޓީގެ ކެޕްޓަން، ތ.ވިލިފުށީ ފިނިހިޔާގެ އާދަމް ނައީމްއާއި އޭނާގެ އަންހެނުން އެ ރަށު ކޮށިބިއްލޫރިގޭ ޒުލައިޚާ އުސްމާނެވެ.

ގަދަ ކަނޑުގައި ހަތަރު ދުވަސް ވަންދެން ހޭދަކުރިއިރު، ނައީމް ބުނީ "ބިރ

"މާރިޔާ-3" ކޮޅުވެއްޓީގެ ޚަބަރެއް ނުވެގެން އެމްއެންޑީއެފަށް ރިޕޯޓްކުރީ މިމަހު 18 ވަނަ ދުވަހުއެވެ. އެ ހިސާބުން ފެށިގެން ވައިގެ މަގުންނާއި ކަނޑުގެ މަގުން ކޮޅުވެއްޓި ހޯދުމަށް އެމްއެންޑީއެފް ކޯސްޓްގާޑުގެ އުޅަނދުތައް ވަނީ ހުއްޓުމެއް ނެތި މަސައްކަތްކޮށްފައެވެ.