ދިރާގުން އޭންޖެލްހެކް ހެކެތޯން ރާއްޖޭގައި ބާއްވަނީ
ދުނިޔޭގެ އެންމެ ބޮޑު ހެކެތޯން ދިރާގުން ބާއްވަނީ
ދިރާގުން އޭންޖެލްހެކް ހެކެތޯން ތައާރަފް ކުރަނީ
ދިރާގާއި ސްޕާކްހަބް ގުޅިގެން މަޝްހޫރު އޭންޖެލްހެކް ހެކެތޯން މި މަހު ބޭއްވުމަށް ނިންމައިފިއެވެ. މުޅި ދުނިޔޭގައި ވެސް އެންމެބޮޑު ހެކަތޯން "އޭންޖެލްހެކް" ދިރާގުން ރާއްޖޭގައި ބޭއްވުމަށް އިއުލާނު ކޮށްފައި ވަނީ އަންގާރަ ދުވަހުގެ ރޭ ދިރާގުގެ ހެޑް އޮފީހުގައި ބޭއްވި ހަފްލާއެއްގައެވެ. މި ހެކެތޯން ބޭއްވުމަށް ހަމަޖައްސާފައި ވަނީ މި މަހުގެ 21 އިން 22 އަށެވެ.
ހެކަތޯން ލޯންޗް ކޮށްދެއްވީ ދިރާގުގެ އެކްޓިން ޗީފް މާކެޓިން އޮފިސަރު އަހުމަދު މައުމޫނާއި ސްޕާކްހަބްގެ މެނޭޖިން ޕާޓްނަރު އަލީ ހާރިޝްއެވެ.
ދިރާގުން މިހާރު ވަނީ މި ހެކެތޯންގައި ބައިވެރިވުމަށް ހުޅުވާލާފައެވެ. ދިރާގުން ބުނީ މިއީ ޒުވާން ހުނަރުވެރިންނަށް ބޭރު ދުނިޔެއަށް އެމީހުންގެ ހުނަރު ދައްކާލަން ލިބޭނެ ރަނުގެ ފުރުސަތެއް ކަމަށެވެ. އަދި މި ހެކެތޯން އިން އެއްވަނަ ހޯދާ ފަރާތަކަށް ސެންފްރެންސިސްކޯގައި ބާއްވާ ގްލޯބަލް ޑިމޯޑޭގައި ބައިވެރިވެ ހުނަރު ދައްކާލުމަށް ފުރުސަތު ލިބިގެން ދާނެ ކަމަށް ވެސް ދިރާގުން ބުންޏެވެ.
އެންޖެލްހެކްއާ ގުޅިގެން ދުނިޔޭގެ 150 ސިޓީއެއްގައި 150،000 އަށް ވުރެ ގިނަ ޑިވެލޮޕަރުންނާއި ހެކަރުން ބައިވެރިކޮށްގެން ކޮންމެ އަހަރަކު ވެސް ހެކަތޯން ބާއްވައެވެ.
