ފާރިސްގެ ހުކުމާއި މެދު އިނގިރޭސި ސަފީރު ކަންބޮޑުވެވަޑައިގަންނަވައިފި
ދިވެހިރާއްޖޭގެ ޑިމޮކްރަސީ ސަލާމަތް ކުރުމަށް ފުލުހުންނާއި ޝަރުއީ ދާއިރާއާއި ފަނޑިޔާރުންގެ އެހީތެރިކަމަަށް ދިވެހިން އެދޭ
ރާއްޖެއަށާއި ސްރީލަންކާއަށް ކަނޑައަޅުއްވާފައި ހުންނަވާ ސަފީރު ޖޭމްސް ޑޯރިސް
ދިއްގަރު ދާއިރާގެ މެމްބަރު ފާރިސް މައުމޫން ޖަލަށްލާން ހުކުމް ކުރުމުން އިނގިރޭސިވިލާތުން ރާއްޖެއަށާއި ސްރީލަންކާއަށް ކަނޑައަޅުއްވާފައި ހުންނަވާ ސަފީރު ޖޭމްސް ޑޯރިސް ކަންބޮޑުވުން ފާޅު ކުރައްވައިފިއެވެ.
ސަފީރު ބުރާސްފަތި ދުވަހު ކުރައްވާފައިވާ ޓްވީޓެއްގައި ވިދާޅުވީ، ރިޔާސީ އިންތިހާބަށް ތިން މަހަށް ވެފައިވަނިކޮށް ބުދަ ދުވަހު ފާރިސް މައުމޫނު ފަދަ އިދިކޮޅު މެމްބަރަކު ޖަލަށްލާން ކުރި ހުކުމާ މެދު ހިތާމަ ކުރައްވާ ކަމަށެވެ.
ޑޯރިސްވަނީ ދިވެހިރާއްޖޭގެ ޑިމޮކްރަސީގެ ހަމަތަށް ސަލާމަތް ކުރުމަށް ފުލުހުންނާއި ޝަރުއީ ދާއިރާއާއި ފަނޑިޔާރުންގެ އެހީތެރިކަމަަށް ދިވެހިން އެދޭކަމަށް ވިދާޅުވެފައެވެ.
ދިއްގަރު ދާއިރާގެ މެމްބަރު އަހުމަދު ފާރިސް މައުމޫން، 4 މަހާ 24 ދުވަހަށް ޖަލަށްލާން ކްރިމިނަލް ކޯޓުން ހުކުމް ކުރީ ސަރުކާރު ހިންގާ ޕާޓީ ޕީޕީއެމްގެ ހުއްދަ ހޯދުމެއް ނެތި އެ ޕާޓީގެ ލޯގާ އާއި ދިދަ ބޭނުންކުރިކަން ސާބިތުވާ ކަމަށް ކަނޑައެޅުމަށް ފަހުގައެވެ.
