ވެކޭޝަން އެކްސްޕޯ އަންނަ ޖުލައި މަހު ފަށަނީ

ހައިރައިސް ކުންފުނިން އިންތިޒާމް ކޮށްގެން ބާއްވާ ވެކޭޝަންސް އެކްސްޕޯގެ އެންމެ ފަހުގެ ތައްޔާރީތައް ވަމުންދާ ކަމަށާއި އެކްސްޕޯ ކުރިއަށް ދާނީ ޖުލައި މަހުގެ 5 ވަނަ ދުވަހުން ފެށިގެން 8 ވަނަ ދުވަހުގެ ނިޔަލަށް ކަމަށް އެ ކުންފުނިން ބުނެފިއެވެ.

އެ ތިން ދުވަހު ވެސް އެކްސްޕޯ ކުރިއަށް ގެންދިއުމަށް ހަމަޖެހިފައިވަނީ މެންދުރު ފަހު 2 ކުން ހަވީރު 4 އަކަށް އަދި ރޭގަނޑު 8 ކުން 11 އަށެވެ. މި އެކްސްޕޯގެ މައިގަނޑު މަޤްސަދަކީ ފަތުރުވެރިކަމުގެ ދާއިރާ ކުރިއަރުވާ އިތުރަށް ޕްރޮމޯޓް ކުރުމެވެ.

Advertisement

މިފަހަރުގެ އެކްސްޕޯގައި 24 އެގްޒިބިޓަރުން ވަނީ ބައިވެރިވެފައެވެ.

1. އިނަރ މޯލްޑިވްސް އެންޑް އޭސް އެވިއޭޝަން ސާރވިސް
2. ބެންކޮކް ހޮސްޕިޓަލް
3. ސިންގަޕޫރު ޓުއަރިޒަމް
4. މެލޭޝިއާ ޓުއަރިޒަމް
5. ތައިލެންޑް ޓުއަރިޒަމް
6. ހޮޓެލްސް އެންޑް ރެސްޓޯރެންޓްސް އެސޯސިއޭޝަން ބޫޓާން
7. އެލައިޑް އިންޝުއަރެންސް
8. ދިރާގު
9. ހައްޖު ކޯޕަރޭޝަން
10. އަލް މަނާސިކް މޯލްޑިވްސް
11. އެޓޯލް ޓްރާންސްފަރ
12. ހެއި މޯލްޑިވްސް
13. މޫދު ހޮލިޑޭސް
14. އެއަރޕޯޓް ބީޗް ހޮޓެލް
15. ޑައިވަސް ލޮޖް
16. އެޓޯލް ސްކޫބާ
17. ޓްރިޕް ވެރިން
18. ޓްރޮޕިކަލް ޑިސްކަވަރީޒް، ސްރީލަންކާ
19. ކޮކާ ވިލާ
20. އަރާމު ހޮލިޑޭ އެންޑް ސްޕާ
21. ވެލާނާ ހޮޓެލްސް
22. ދިގުރަށް ރީޓްރީޓް ބީޗް
23. ކާނި ހޮޓެލްސް
24. ޓްރެވަލް ކަނެކްޝަންސް މޯލްޑިވްސް

އެކްސްޕޯ އަށް ޒިޔާރަތް ކުރާ މީހުންނަށް އަމާޒުކޮށްގެން ތަފާތު ގިނަ އިނާމްތަކެއް ހުޅުވާލާފައިވާއިރު މި އެކްސްޕޯގެ ތެރެއިން ކުރިއަށްދާ މަހާސިންތާގެ މަގްސަދަކީ ދަތުރުފަތުރުކުރުމާ ބެހޭ މައުލޫމާތު ދިވެހިންނާއި ރާއްޖޭގައި ވަޒީފާ އަދާކުރާ ބޭރު މީހުންނަށް ހިއްސާކުރުން ކަމަށް ހައިރައިޒުން ބުންޏެވެ.

ވެކޭޝަންސް އެކްސްޕޯ އަކީ ދަތުރު ކުރުމަށް ހާއްސަކޮށް ރާއްޖޭގައި ބޭއްވި މިފަދަ ފުރަތަމަ އެކްސްޕޯ ކަމަށްވާއިރު މިދިޔަ އަހަރު ބޭއްވި އެކްސްޕޯއަށް ވެސް ވަރަށް ބޮޑު ތަރުހީބެއް ވަނީ ލިބިފައެވެ.

މިއީ ހައިރައިސުން ބާއްވާ ތިންވަނަ ވެކޭޝަންސް އެކްސްޕޯއެވެ.