ތުރުކީއަށް އެފް 35 ހަނގުރާމަމަތީ މަތިންދާ ބޯޓް ވިއްކުން ހުއްޓުވައި ނުވަތަ މަޑުޖައްސާލެވޭނެ ބިލެއް އެމެރިކާގެ ސެނެޓުން ފާސްކޮށްފިއެވެ.
ނޭޓޯގެ ބައިވެރިއެއް ކަމަށްވާ ތުރުކީ އާއި ވޮޝިންގޓަންގެ ގުޅުން އަންނަނީ ހީނަރުވަމުންނެވެ.
ގާނޫނުހަދާ މަޖިލީހުގެ ދެ ގެ ކަމަށްވާ ސެނެޓާއި ހައުސް އޮފް ރެޕްރެޒެންޓޭޓިވްސް އިން ވެސް ވަނީ ތުރުކީއަށް ހަނގުރާމަމަތީ މަތިންދާބޯޓް ވިއްކުން ހުއްޓުވުމަށް ބާރުއަޅާފައެވެ.
ނޭޝަނަލް ޑިފެންސް އޯތޮރައިޒޭޝަން އެކްޓް (އެންޑީއޭއޭ) ހައުސް އޮފް ރެޕްރެޒެންޓޭޓިވް އިން އެއްބަސްވުމަކަށް އަންނަން ޖެހޭއިރު މި ހޫނު މުސުން ނިމޭއިރު މި ބިލް ތަސްދީގުކުރައްވާނެ ކަމަށް ބެލެވެއެވެ.
ގާނޫނުހަދާ މަޖިލީހުގެ ކޮންމެ ގެއަކުން ވެސް އެ ގެއަކުން ބޭނުންވާ ބަދަލެއް މި ބިލަށް ގެނެސްފައިވާއިރު އެ ބަދަލުތައް އަމާޒުކޮށްފައި ވަނީ ތުރުކީއަށެވެ.
ތުރުކީއަކީ އެމެރިކާގެ އެފް 35 ޕްރޮގްރާމުގެ ބައިވެރިއެކެވެ.
