ބުރާސްފަތި 20 ޖޫން 2019
04 އަދަ
1440 ޝައްވާލް 16
ފަތިސް 04:36
އިރުއަރާ 05:55
މެންދުރު 12:11
އަސްރު 15:35
މަޣްރިބް 18:20
އިޝާ 19:39
ކުޅިވަރު - ފީފާ ވޯލްޑް ކަޕް 2018

އެންމެ ފަހު ވަގުތާ ޖެހެންދެން ރަޝިއާ މަސައްކަތްކުރާނެ: ޕޫޓިން

  • ރަޝިއާއަށް ވޯލްޑް ކަޕްގެ އޮޓަމެޓިކް ޖާގައެއް ލިބުނު

އަހްމަދު ސާއިފް ޝިޔާދް
Saaif80

ކ. މާލެ 13 ޖޫން 2018 | ބުދަ 21:46 1,839

ފީފާގެ ކޮންގްރެސްގައި ޕޫޓިން ތަގުރީރު ކުރައްވަނީ - ގެޓީ އިމޭޖާސް

ބުރާސްފަތި ދުވަހު ފަށާ ފީފާ ވޯލްޑް ކަޕްގައި އެންމެ ފަހު ވަގުތާ ޖެހެންދެން ރަޝިއާގެ ކުޅުންތެރިން މަސައްކަތްކުރާނެ ކަމަށް އެގައުމުގެ ރައީސް ވްލަޑްމިއަރ ޕޫޓިން ވިދާޅުވެއްޖެއެވެ.

މިއަހަރުގެ ވޯލްޑް ކަޕް ބާއްވާ ގައުމުގެ ހައިސިއްޔަތުން ރަޝިއާއަށް ވޯލްޑް ކަޕްގެ އޮޓަމެޓިކް ޖާގައެއް ލިބުނެވެ. އެހެން ނަމަވެސް ވޯލްޑް ކަޕްގައި ވާދަކުރާ 32 ގައުމުގެ ތެރެއިން އެންމެ ދަށުން ރޭންކް ކުރެވިފައި ވަނީ ރަޝިއާއެވެ.

ހަމަ އެހެންމެ މިއަހަރުގެ މިހާތަނަށް ކުޅުނު އެއްވެސް މެޗަކުން ރަޝިއާ މޮޅުވެފައެއް ވެސް ނުވެއެވެ. އެންމެ ފަހުން ރަޝިއާ މެޗަކުން މޮޅުވީ މިދިޔަ އަހަރުގެ އޮކްޓޯބަރު މަހުގެ 7 ވަނަ ދުވަހުއެވެ. ދެކުނު ކޮރެއާއާ ދެކޮޅަށް މޮސްކޯގައި ކުޅުނު އެ މެޗުން ރަޝިއާ މޮޅުވީ 4-2 ގެ ނަތީޖާއަކުންނެވެ. އޭގެ ފަހުން ބްރެޒިލް، އާޖެންޓީނާ އަދި ފްރާންސްގެ އިތުރުން އޮސްޓްރިއާ އަތުން އެ ޓީމު ބަލިވިއެވެ. ސްޕެއިން އަދި އީރާންގެ އިތުރުން ތުރުކީއާ ދެކޮޅަށް ކުޅުނު މެޗުތަކުން ރަޝިއާވީ އެއްވަރެވެ.

ރަޝިއާގެ ރައީސް ޕޫޓިން ވިދާޅުވީ ފަހުގެ ތާރީހެއްގައި ޓީމަށް ރަނގަޅު ނަތީޖާތަކެއް ލިބިފައިނުވާކަން އެންމެން ވެސް ދަންނާނެ ކަމަށެވެ. ހުރިހާ ފަރާތްތަކުން ވެސް އުއްމީދުކުރަނީ ރީތި ފުޓްބޯޅައެއް ކުޅެ އެންމެ ފަހު ވަގުތާ ޖެހެންދެން ޓީމުގެ ކުޅުންތެރިން މަސައްކަތްކުރަން ކަމަށް ޕޫޓިން ވިދާޅުވިއެވެ.

ރަޝިއާ މިވަގުތު ރޭންކް ކުރެވިފައި އޮތީ 70 ވަނައިގައެވެ.

އެ ގައުމު ހިމެނިފައި ވަނީ އުރުގުއޭ އަދި މިސްރުގެ އިތުރުން ސައުދީ އަރަބިއްޔާއާ އެކު ގްރޫޕް އޭގައެވެ. މުބާރާތުގެ ފުރަތަމަ މެޗުގައި މާދަމާ ރޭ އެ ޓީމު ނުކުންނާނީ ސައުދީ އަރަބިއްޔާއާ ދެކޮޅަށެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް