ވޮންޑަރ ވުމަންގެ ތަރި ގަލް ގަދޯތް އައު ފިލްމެއް ކުޅެން ނިންމައިފި އެވެ.
"ރެޑް ނޯޓިސް" ގެ ނަމުގައި ކުޅޭ މި ފިލްމްގައި އޭނާއާއި އެކު ފެނިގެން ދަނީ ޑްވައިން ޖޯންސަން ނުވަތަ އާއްމުކޮށް އެންމެން ދަންނަ ދަ ރޮކް އެވެ.
ރޯޝަން މާޝަލް ޓާބާ ޑައިރެކްޓް ކުރާ މި ފިލްމް ޝޫޓް ކުރުމަށް ހަމަޖެހިފައި ވަނީ ޔޫރަޕްގައެވެ.
އަންނަ އަހަރު އެޕްރީލް މަހު ޝޫޓް ކުރުމަށް ހަމަޖެހިފައިވާ މި ފިލްމް ރިލީޒް ކުރުމަށް ހަމަޖެހިފައިވަނީ 2020 ވަނަ އަހަރުގެ ޖޫން މަހުގެ 12 ވަނަ ދުވަހު އެވެ.
ޓާބާ ވަނީ މިފިލްމް ކުޅުމަށްޓަކައި ގަދޯތްއާއި ސީދާ ދިމާވެ ވާހަކަ ދެކުމަށް ލަންޑަނަށް ގޮސްފައެވެ.
ރެޑް ނޯޓިސް ވެގެންދާނީ ފިލްމް ވޮންޑަރ ވުމަން ކުޅެން ފެށިފަހުން ޑީސީ އެކްސްޓެންޑެޑް ޔުނިވަރސް ނޫން އެހެން ބައެއްގެ ފިލްމެއް އޭނާ ކުޅޭ ފުރަތަމަ ފަހަރަށެވެ.
ފިލްމުގެ މުޅި ވާހަކަ ބިނާވެފައިވާ ގޮތް އަދި ވަނީ ސިއްރު ކުރެވިފައެވެ. އެހެން ނަމަވެސް މި ފިލްމަކީ ދުނިޔޭގެ އެތަންމިތަނަށް ދަތުރުކުރުމާއި ،އެކްޝަން ކޮމެޑީ އަދި ޖަރީމާތަކެއްގެ މައްޗަށް އެކުލެވިގެންވާފިލެމެކެވެ. ގަލް ގަދޯތްއާއި ޑްވައިން ޖޯންސަންގެ އިތުރުން އިތުރު ތަރިއަކު މި ފިލްމުގެ ލީޑްރޯލުން ފެނިގެންދާއިރު އަދި އެ އެކްޓަރަކީ ކާކުކަން ހާމަކޮށްފައެއް ނުވެއެވެ.
ގަޑޮޓް މިހާރު ދަނީ ޕެޓީ ޖެންކިންސް ޑައިރެކްޓް ކުރާ ވޮންޑަރ ވުމަން 2 ޝޫޓް ކުރަމުންނެވެ.
