މަޝްހޫރު އެކްޓަރ ޑެނިއެލް ކްރެއިގަކީ މިހާރު ހޮލީވުޑްގެ އެންމެ އަގުބޮޑު އެއް އެކްޓަރެވެ. މިލިއަން ޑޮލަރާއެކު އެންމެ މުއްސަނދި އެކްޓަރުގެ މަގާމު ޑެނިއެލް ކްރައިގަށް ލިބިފައިވާއިރު އޭނާ ދުނިޔެއަށް މަޝްހޫރު ވެފައިވަނީ ޖޭމްސް ބޮންޑުގެ ނަމުންނެވެ.
ޑެނިއެލް ކްރެއިގް ގެ މުއްސަނދި ކަމުގެ ވާހަކަ ގަދައަށް ދެކެވެން ފެށުނީ އޭނާގެ ކުރިއަށް އޮތް ފިލްމު އަދި ޖޭމްސް ބޮންޑް ފްރަންޗައިޒްގެ 25 ވަނަ ފިލްމުގައި އޭނާއަށް ލިބޭ އާމްދަނީ ބޮޑު ވާނެކަމަށް ދެކެވެން ފެށުމާއިއެކުއެވެ. އެއީ މީގެ ކުރިން އަޑުތައް ފެތުރިފައިވަނީ ޑެނިއެލް ކްރެއިގަށް އެ ފިލްމުން ލިބޭނީ 25 މިލިއަން ޑޮލަރަު ކަމަށެވެ. އެހެން ނަމަވެސް އެންމެ ފަހުގެ ރިޕޯޓްތައް ބުނާގޮތުން އޭނާ ޖޭމްސް ބޮންޑުގެ 25 ވަނަ ފިލްމު ކުޅޭނީ 66 މިލިއަން ޑޮލަރަށެވެ.
ޑެނިއެލް ކްރެއިގް ވަނީ އޭނާ ޖޭމްސް ބޮންޑުގެ ރޯލު ނުކުޅޭނެކަމަށް މީގެ ކުރިން އިއުލާންކޮށްފައެވެ. އެހެން ނަވެސް ޚަބަރުތައް ބުނާގޮތުގައި ޑެނިއެލް ކްރެއިގް ވަނީ 66 މިލިއަން ޑޮލަރަށާއި އޭނާއަށް ފިލްމުން ލިބޭ އާމްދަނީގައި ވެސް އޭނާއަށް ބައި އަޅާގޮތަށް
އެ ފިލްމު ކުޅެން އެއްބަސްވެފައެވެ.
މި ފިލްމުގެ ޝޫޓިން އަންނަ ޑިސެމްބަރު މަހުގެ ތެރޭގައި ފަށާއިރު ފިލްމު ސިނަމާތަކަށް އަންނާނީ އަންނަ އަހަރުގެ ނޮވެމްބަރު މަހުގައެވެ. މި ފިލްމުގެ ޑައިރެކްޓަރަކީ ޑެނީ ބޮޔެލްއެވެ.
