ގަލް ގެޑޯ ބައޮޕިކް ފިލްމެއް ޕްރޮޑިއުސް ކުރަނީ
26 މެއި 2018 | ހޮނިހިރު 14:00ގަލް ގެޑޯ ހަދަނީ 1965 ވަނަ އަހަރު މަރުވި ކުރީގެ ނޫސްވެރިޔާ ލީޒާ ހަވަޑްގެ ހަޔާތުގެ މައްޗަށް އުފައްދާ ފިލްމެއް
ގަލް ގެޑޯ ވޮންޑާ ވުމަންގެ މަންޒަރެއްގައި. އޭނާ ވަރަށް އަވަހަށް ފިލްމެއް ޕްރޮޑިއުސް ކުރާނެ
ޑީސީ ކޮމިކްސްގެ މަޝްހޫރު ސުޕަރ ހީރޯ، ވޮންޑަރ ވުމަންގެ ލީޑު ރޯލުން ފެނިގެންދިޔަ ކުޅަދާނަ ތަރި ގަލް ގެޑޯ ފިލްމެއް ޕްރޮޑިއުސް ކުރަން ނިންމައިފިއެވެ.
ޚަބަރުތައް ބުނާ ގޮތުގައި ގަލް ގެޑޯ ހަދަނީ 1965 ވަނަ އަހަރު މަރުވި ކުރީގެ ނޫސްވެރިޔާ ލީޒާ ހަވަޑްގެ ހަޔާތުގެ މައްޗަށް އުފައްދާ ފިލްމެކެވެ. މި ފިލްމަކީ ވޯނާރ ބްރަދަރޒް އާއި ސުއީ ކްރޯލްގެ ކްރޯލް އެންޑް ކޯއާ ގުޅިގެން ހަދާ ފިލްމެއްކަމަށް މީޑިއާ ރިޕޯޓްތައް ބުނެއެވެ. ލީޒާ ހަވާޑް މަރުވެފައިވަނީ އޯވަޑޯޒްވެގެންނެވެ.
ގަލް ގެޑޯ މި ފިލްމު ޕްރޮޑިއުސްކުރަން ނިންމާފައިވާއިރު ޚަބަރުތައް ބުނާގޮތުގައި މި ފިލްމުގައި ލީޒާގެ ރޯލުން ފެނިގެންދާނީވެސް އޭނާއެވެ.
ކިއުބާގެ ކުރީގެ ރައީސް ފިޑެލް ކާސްޓްރޯއާ ސިއްރު ގާތް ގުޅުމެއް ބޭއްވި އޭބީސީގެ ކުރީގެ ނޫސްވެރިޔާ ލީޒާ ހަވަޑްގެ ބައޮޕިކް ފިލްމަށް ކިޔާ ނަމަކީ "މައި ޑިއަރެސްޓް ފިޑެލް: އޭން އޭބީސީ ޖާނަލިސްޓްސް ސީކްރެޓް ލަޔޭސަން ވިތު ފިޑެލް ކާސްޓްރޯ"އެވެ. މިހާރު ފިލްމުގެ ސްކްރީންޕްލޭ ލިއުމުގެ މަސައްކަތް ކުރަމުންދާއިރު މި ފިލްމު ޑައިރެކްޓް ކުރާނީ ކާކުކަމެއް ހާމަކޮށްފައެއް ނުވެއެވެ. މި ފިލްމުގެ ސްކްރީން ޕްލޭ ލިޔަނީ ކްރިސް ބްރެންކާޓޯ އެވެ. ފިލްމު އަދި ރިލީޒްކުރާނެ ތާރީޚެއް އަދި ޝޫޓިން ފަށާނެ ތާރީޚެއް އިއުލާންކޮށްފައި ނުވާއިރު ގަލް ގެޑޯ ބުނީ މި ފިލްމަކީ ވަރަށް ޝައުގުވެރިވާނެ ފިލްމެއްކަމަށެވެ.
ގަލް ގެޑޯގެ ވޮންޑަވުމަން 2 އަންނަ އަހަރު ރިލީޒްކުރަން ވަނީ ހަމަޖެހިފައެވެ.
