ގާނޫނީ ވަކީލަކު އައްޔަން ކުރަން ވަލީދާއަށް ފަސް ދުވަސް
މި މައްސަލައިގައި މިއީ ބޭއްވި ފުރަތަމަ އަޑުއެހުން
ޖުމްހޫރީ ޕާޓީގެ އަންހެނުން ލީގުގެ ރައީސާ ވަލީދާ ވަލީދު
ޖުމްހޫރީ ޕާޓީގެ އަންހެނުން ލީގުގެ ރައީސާ ވަލީދާ ވަލީދުގެ މައްޗަށް އުފުލާފައިވާ ދައުވާއާ ގުޅިގެން ގާނޫނީ ވަކީލަކު އައްޔަން ކުރުމަށްޓަކައި ފަސް ދުވަސް ކްރިމިނަލް ކޯޓުން ދީފި އެވެ.
ވަލީދާގެ މައްޗަށް އުފުލާފައިވަނީ ގާނޫނު ތަންފީޒު ކުރާ މުވައްޒަފެއްގެ މަސައްކަތަށް ގަސްތުގައި ހުރަސް އެޅުމުގެ ދައުވާ އެވެ. މި ދައުވާއާ ގުޅިގެން އާދިއްތަ ދުވަހު ހެނދުނު ބޭއްވި ފުރަތަމަ އިބްތިދާއީ އަޑުއެހުމުގައި މައްސަލައިގައި ކުރިއަށްދާން ބޭނުންވަނީ ވަކީލަކާ އެކު ކަމަށް ވަލީދާ ބުނުމުން ވަކީލަކު ހަމަޖައްސަން ފަސް ދުވަސް ވަނީ ދީފަ އެވެ.
ގާނޫނު ތަންފީޒު ކުރާ މުވައްޒަފެއްގެ މަސައްކަތަށް ގަސްތުގައި ހުރަސް އެޅުމުގެ ދައުވާ ވަލީދާގެ މައްޗަށް އުފުލީ ސުޕްރީމް ކޯޓުގެ އަމުރު ތަންފީޒު ކުރުމަށް ގޮވާލައި މާލޭގައި ކުރި މުޒާހަރާއެއްގައި ފުލުހަކަށް ހުރަސް އެޅި ކަމަށް ބުނެއެވެ.
އިދިކޮޅު ފަރާތްތަކުން ކުރި މުޒާހަރާގައި ވަލީދާ ވަނީ އެކި ފަހަރުމަތިން ހައްޔަރު ކޮށްފައެވެ. އަދި ފުލުހުން ބާރުގެ ބޭނުން ކުރުމުގެ ސަބަބުން، ވަލީދާއަށް އަނިޔާވެ، ހޮސްޕިޓަލުގައި ފަރުވާ ވެސް ދޭންޖެހުނެވެ.
