ފަހަކަށް އައިސް ނިކުންނަމުންދާ ފިލްމް ތަކުގައި ވިލަންގެ ރޯލު ނެތެމުންދާ ކަމަށް ޝަކްތީ ކަޕޫރު ބުނެފިއެވެ.

ގިނަ ފިލްމްތަކެއްގައި ވިލަންގެ ރޯލް އަދާކޮށްފައިވާ ޝަކްތީ ޓީވީ ޝޯއެއްގައި ބުނެފައިވަނީ  ކުރިން ބޮލީވުޑްގައި ވިލަންއަށް ޚާއްސަ ކެރެކްޓަރ އެއް އޮންނަ ކަމަށާއި ނަމަވެސް މިހާރު ފެންނަމުން ދަނީ ރޮމޭންޓިކް ނުބައިބައި ކުޅޭ މީހުން ކަމަށެވެ.

އަދި ކުރިން އޮތް ޓްރެންޑް މިހާރު ބަދަލުވަމުންދާ ކަމަށާއި ވިލަންގެ ރޯލު ފިލްމްތަކުން ގެއްލެމުންދާ ކަމަށެވެ.

ފަހަކަށް އައިސް ހަދާ ފިލްމް ތަކުގެ އެކްޓަރުން ހުރިހާ ރޯލަކަށް ފިޓުވާން ޖެހޭ ކަމަށް ޝަކްތީ ވަނީ ބުނެފައެވެ.

 ޝަކްތީ ވަނީ 700 އަށް ވުރެ ގިނަ ފިލްމުގައި ވިލަންގެ ރޯލާއި މަޖާ ރޯލްތައް ކުޅެފައެވެ. ޝަކްޓީގެ ފާހަގަ ކޮށްލެވޭ ފިލްމްތަކުގެ ތެރޭގައި ރޮކީ، ޤުރުބާނީ، ހިއްމަތުވާލާ، ހީރޯ، ރާޖާ ބާބޫ އަދި އަންދާޒް އަޕްނަ އަޕްނާ ހިމެނެއެވެ.

ފިލްމްތަކުގައި ލީޑް ރޯލް އަދާ ނުކުރި ނަމަވެސް އޭނާ ކުޅެފައިވާ ރޯލް ތަކަށް ވަނީ ތަރުހީބު ލިބިގެން ގޮސްފައެވެ.