އައްޑޫގައި ރޭ ހިންގި މާރާމާރީއަކާ ގުޅިގެން 4 މީހަކު ހައްޔަރުކޮށްފި
ދެ ގްރޫޕެއްގެ މެދުގައި ހިންގި މާރާމާރީއެއް
ފުލުހުން އައްޑޫ ސިޓީގައި ޕްރެފިކް ބަލަހައްޓަނީ: ނުރައްކާތެރި ގިނަ އެކްސިޑެންޓްތައް ހިނގާއިރު، މާރާމާރީތައް ވެސް ހިންގަމުންދޭ
އަންގާރަ ދުވަހުގެ ރޭ އައްޑޫ ސިޓީގައި ހިންގި މާރާމާރީއަކާ ގުޅިގެން ހަތަރު މީހަކު ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލް "ރާއްޖެއެމްވީ"އަށް ވިދާޅުވީ އައްޑޫ ސިޓީ މަރަދޫގައި އަންގާރަ ދުވަހުގެ ރޭ ހިންގި މާރާމާރީއާ ގުޅިގެން ހަތަރު މީހަކު ހައްޔަރުކޮށްފައިވާ ކަމަށެވެ. އެނގިފައިވާ ގޮތުންގައި އެ މާރާމާރީއަކީ ދެ ގްރޫޕެއްގެ މެދުގައި ހިންގި މާރާމާރީއެކެވެ.
މިމައްސަލައާ ގުޅޭ އިތުރު ތަފްސީލެއް ފުލުހުން ހާމައެއް ނުކުރެއެވެ.
އެނގިފައިވާ ގޮތުގައި މާރާމާރީ ހިންގާފައި ވަނީ މަރަދޫގައި މިހާރު ކުރިއަށްދާ ގޯދިއްޔާ ފުޓްސަލް މުބާރާތް ބަލަން ދިޔަ ހިތަދޫގެ ޒުވާނުންތަކަކާއި ފޭދޫގެ ޒުވާނުންގެ ބަޔަކާ ދެމެދު އެވެ.
އެ މެޗު ކުޅުނު ސްޓޭޑިއަމްގައި މާރާމާރީ ހިންގުމަށްފަހު، ސްޓޭޑިއަމް ކުރިމަތީގައި ހުންނަ ކެފޭއަކަށް ވަދެ، އެތަނުގައި ވެސް މާރާމާރީ ހިންގައި، އެތަނުގެ ބައެއް ތަކެއްޗަށް ގެއްލުންދީފައިވާ ކަމަށް ވެސް މަންޒަރު ދުށް މީހަކު ބުންޏެވެ.
