ބާރަށު ސްކޫލުގައި 10 ކުލާސްރޫމް އެޅުމަށް ހަވާލު ކޮށްފި
31 މެއި 2018 | ބުރާސްފަތި 12:25މިކްލާސް ރޫމްތައް އެޅުމުން ޖާގައިގެ ދަތިކަން ހައްލުވާނެ
ބާރަށު ސްކޫލުގައި 10 ކްލާސްރޫމް އެޅުމަށް ސޮއިކުރި ރަސްމިއްޔާތުގެެ ތެރެއިން...
ހއ. ބާރަށު ސްކޫލުގެ ޖާގައި ދަތިކަން ހައްލު ކުރުމަށް 10 ކުލާސް ރޫމް އެޅުމަށް ވޯޓާޕާކް މޯލްޑިވްސް ޕްރައިވެޓް ލިމިޓެޑާ ހަވާލުކޮށްފި އެވެ.
އެޑިއުކޭޝަން މިނިސްޓްރީގައި ބޭއްވި ރަސްމިއްޔާތުގައި މިކަމުގެ އެއްބަސްވުމުގައި އެޑިއުކޭޝަންގެ ފަރާތުން ސޮއިކުރެއްވީ ސީނިއާ ޕޮލިސީ އެކްޒިކިއުޓިވް އިބްރާހިމް އިސްމާއިލް އަލީ އެވެ. އަދި ވޯޓާޕާކްގެ ފަރާތުން ސޮއި ކުރެއްވީ އެކުންފުނީގެ މެނޭޖިން ޑިރެކްޓަރު އަހުމަދު އަފްރާހް އެވެ.
އެޑިޔުކޭޝަން މިނިސްޓްރީން ބުނީ މިއެއްބަސްވުމުގެ ދަށުން ސައިންސް ލެބޯރަޓަރީ އަކާއި އަދި ހޯލްއެއް ހެދުމަށް ހަމަޖެހިފައިވާ ކަމަށެވެ. ދަރިވަރުންނަށް ޚާއްސަކޮށް 7 ފާހަނާ ހެދުމަށް ނިންމާފައިވާއިރު، މުއައްޒަފުންނަށް 2 ފަހާނާ ހެދުމަށް ނިންމާފައިވާ ކަމަށެވެ.
އެޑިއުކޭޝަން މިނިސްޓްރީން ބުނީ އަންނަ އަހަރު އޮގަސްޓް މަހު މަސައްކަތް ނިންމާ 2020 ވަނަ އަހަރުގެ ކިޔެވުން ފެށެންވާ އިރަށް އިމާރާތް ބޭނުންކުރަން ފެށޭނެ ކަމަށެވެ. އަދި މިމަޝްރޫއަށް 14.4 މިލިއަން ރުފިޔާ ހަރަދުވާނެ ކަމަށް މިނިސްޓްރީން ބުންޏެވެ.
ބާރަށު ސްކޫލުގައި 325 ދަރިވަރުން ކިޔަވަމުން އަންނައިރު އެސްކޫލަކީ ގްރޭޑް އެކަކުން ބާރައަށް ކިޔަވައިދޭ ސްކޫލެކެވެ.
