ނިކީ މިނާޖް އާއި އެމިނެމް ޑޭޓް ކުރަނީ

ހޮލީވުޑްގެ މަޝްހޫރު ރެޕް އާޓިސްޓް އެމިނެމް، ނުވަތަ މާޝަލް މެތަރސް އާއި ލޯބީގެ ގޮތުން ގުޅިފައިވާކަމަށް އެމެރިކަން ރެޕާ ނިކީ މިނާޖް ބުނެފިއެވެ.

ނިކީ އޭނާގެ އިންސްޓަގްރާމުގައި ބުނެފައިވަނީ އޭނާއާއި އެމިނެމްއާއި ދެމީހުން މިހާރު ޑޭޓް ކުރަމުންދާކަމަށެވެ.

ނިކީ މިނާޖް ވަނީ މީގެ ކުރިންވެސް ހައިޕްރޮފައިލް ރެޕް އާޓިސްޓުންނާއި އެކު ލޯބީގެ ގޮތުން ގުޅިފައެވެ. އޭގެ ތެރޭގައި ޑްރޭކް، މީކް މިލް ހިމެނެއެވެ.

ނިކީ މިނާޖް އޭނާ އެމިނެމްއާއި ޑޭޓް ކުރާކަމަށް ބުނެފައިވަނީ އޭނާގެ ފޭނެއް އެމިނެމްއާއި ޑޭޓްކުރޭތޯ އެހުމުންއޭގެ ޖަވާބުގައެވެ. އެމިނެމްގެ އެންމެ ފުރަތަމަ އަލްބަމަކީ 1996 ވަނަ އަހަރު ނިކުތް އިންފިނިޓްއެވެ. އެންމެ ފަހުން ރިލީޒްކޮށްފައިވާ އަލްބަމަކީ މިދިޔަ އަހަރު ނެރުނު ރިވައިވަލްއެވެ. އެ އަލްބަމުގައި 19 ލަވަ ހިމެނެއެވެ.