ކައިވެނިކޮށްގެން 20 އަހަރެއްހާ ދުވަހު އެކީގައި އުޅުމަށް ފަހު ބޮލީވުޑްގެ މަޝްހޫރު ބަތަލު އަރުޖުން ރާމްޕަލްއާއި އޭނާގެ އަންހެނުން މެހެރް ޖެސިކާ ވަކިވެއްޖެއެވެ.

ވަކިވިކަން ހާމަކޮށް ދެމީހުން ނެރެފައިވާ ބަޔާނެއްގައި ބުނެފައިވަނީ ދެމީހުން އެކީގައި ހޭދަކޮށްފައިވަނީ  އުފާވެރި ހަނދާނުން ނުފިލާވަރުގެ ދުވަސްތައް ކަމަށެވެ. އެހެން ނަމަވެސް ވަކިވާން ނިންމީ ދެމީހުން މިހާރު ދަތުރު ކުރަމުންދާ މަންޒިލަކީ ދެމަންޒިލަށްވުމުން ކަމަށް އެބަޔާނުގައި ވަނީ ބުނެފައެވެ. އަދި ވަކިވިކަމުގައި ވިއަސް ދަރިންގެ މަސްއޫލިއްޔަތު ރަނގަޅަށް އަދާކުރާނެ ކަމަށް ވަނީ ބުނެފައެވެ.

އެދެމީހުން ކައިވެނިކޮށްފައިވަނީ 1998 ވަނަ އަހަރުގައެވެ.

އަރުޖުން ރާމްޕަލް ،45 އާއި މެހެރް ޖެސިކާ47، އަށް ވަނީ ދެ އަންހެން ކުދިން ލިބިފައެވެ. އެއީ 16 އަހަރުގެ މަހިކާ އާ 13 އަހަރުގެ މީރާއެވެ.

މީގެ އަހަރެއްހާ ދުވަސް ކުރިންވެސް ވަނީ އަރުޖުންއާއި މެހެރް ވަރިވާން ކޯޓަށް ދިޔަ ކަމަށް އަޑުތައް ފެތުރިފައެވެ. އަދި މީޑިއާ ތަކުގައި އެޚަބަރު ވަރަށް ގަދައަށް ވެސް ފެތުރުނެވެ. އެހެން ނަމަވެސް އޭރު އެދެމީހުން އެކަން ދޮގު ކުރިއެވެ.

އަރުޖުންއާއި މެހެރް ވަކިވެފައިވަނީ ސީދާ ކޮށްސަބަބަކާ ގުޅިގެންކަން ހާމަކޮށްފައެއް ނުވެއެވެ.