ވިއްސާރަވެ ކަނޑަގަދަވުމުގެ ސަބަބުން މާލެ އަތޮޅު އާރަށް ކައިރިން ދޯންޏެއް ބަންޑުން ޖަހާލައިފިއެވެ.
ފުލުހުން ބުނީ ދޯނި ބަންޑުން ޖަހާލިކަމުގެ މައުލޫމާތު ލިބިފައިވަނީ މިއަދު މެންދުރުކުރި 11:30 ހާއިރުކަމަށެވެ. މިދޯނީގައި 3 މީހުން ދަތުރުކުރިކަމަށާއި، އެއީ 2 ބިދޭސީންނާއި ދިވެއްސެއް ކަމަށް ފުލުހުން ބުނެއެވެ. އެ 3 މީހުންނަށް ވެސް ހޮސްޕިޓަލަށް ގެންގޮސް ފަރުވާ ދީފައިވާއިރު، އެއްވެސް މީހަކަށް ސީރިއަސް އަނިޔާއެއް ލިބިފައި ނުވާކަމަށް މައުލޫމާތު ލިބެއެވެ.
މޫސުން ގޯސްވެ، ކަނޑު ގަދަވެފައިވާއިރު، މާލެ އަތޮޅާއި ލ އަތޮޅާއި ދެމެދުގެ ހިސާބުތަކަށް މެޓް އޮފީހުން ވަނީ މިހާރު ޔެލޯ އެލަރޓް ނެރެފައެވެ.