އިސްލާމިކް މިނިސްޓްރީން ޑރ. މަޖީދުގެ ތައުޒިޔާގެ ދަފުތަރެއް ހުޅުވަނީ
24 މެއި 2018 | ބުރާސްފަތި 05:42ހުޅުވާނީ މޭ 24 ވާ ބުރާސްފަތި ދުވަހުގެ ހެދުނުގައި
ޑރ. އަބްދުލް މަޖީދު އަބްދުލް ބާރީ
މަޝްހޫރު ދީނީ ޢިލުމުވެރިޔާ އަދި ރާއްޖޭގެ ފުރަތަމަ އިސްލާމިކް މިނިސްޓަރު ޑރ.އަބްދުލް މަޖީދު އަބްދުލް ބާރީގެ ހަނދާނުގައި ތައުޒިޔާގެ ދަފްތަރެއް ހުޅުވަން އިސްލާމިކް މިނިސްޓްރީން ނިންމައިފިއެވެ. މި ދަފްތަރު ހުޅުވާނީ މޭ 24 ވާ ބުރާސްފަތި ދުވަހު ހެނދުނު 11:00 އެވެ.
އެ މަނިކުފާނު ސްރީ ލަންކާއަށް ވަޑައިގެން އުޅުއްވަނިކޮށް، ސްޓްރޯކެއް ޖެހިގެން ލަންކާ ހޮސްޕިޓަލްގައި އެޑިމިޓްކުރީ މެއި 18 ވަނަ ދުވަހު އެޑްމިޓްކޮށް ފަރުވާދެމުން ގެންދަވަނިކޮށް އަވަހާރަވެވަޑައިގަތީ މެއި 22 ވަނަ ދުވަހުވެ.
ޑރ. މަޖީދަކީ މަދީނާ ޔުނިވާސިޓީން ޕީއެޗްޑީ ނެންގެވި ފުރަތަމަ، އަދި ހަމަ އެކަނި ދިވެހި އިލްމުވެރިޔާއެވެ. ޤުރުއާން ތަފްސީރުން ޕީއެޗްޑީ ޙާސިލް ކުރައްވައިގެން ހުންނެވި ޑރ މަޖީދުގެ ތީސީސް ބިނާކުރައްވާފައިވަނީ ރާއްޖޭގެ ޒަކާތުގެ ކަންކަން ހަރުދަނާކުރުމުގެ މައްޗަށެވެ. އަދާލަތު ޕާޓީގެ އެންމެ ފުރަތަމަ ރައީސަކީ ޑރ މަޖީދެވެ. އެޕާޓީގެ އިލްމުވެރިންގެ މަޖިލީހުގެ ފުރަތަމަ ރައީސަކީވެސް އެމަނިކުފާނެވެ. އަދި ރާއްޖޭގައި އުފެއްދި ފުރަތަމަ ފިގުހު އެކަޑަމީގެ ފުރަތަމަ ރައީސަކީވެސް ޑރ މަޖީދެވެ. މީގެ އިތުރުން ރާއްޖޭގައި އުފެއްދި ފުރަތަމަ އިސްލާމިކް ބޭންކު އުފެއްދުމުގައި އަމަލީ ގޮތުން އެމަނިކުފާނު މަސައްކަތް ކުރެއްވިއެވެ. އަދި މޯލްޑިވްސް އިސްލާމިކް ބޭންކާއި ބޭންކް އޮފް މޯލްޑިވްސްގެ އިތުރުން އެމްއެމްއޭގެ ޝަރީއާ ބޯޑުގެ މެންބަރުކަން ޑރ. މަޖީދު ކުރެއްވިއެވެ.
