ޑރ. މަޖީދުގެ ސިއްހީ ހާލުކޮޅު ކުއްލި ގޮތަކަށް ސީރިއަސްވެ އައިސީޔޫގައި ފަރުވާ ދެނީ
18 މެއި 2018 | ހުކުރު 19:40ޑރ.މަޖީދު ހޮސްޕިޓަލަށް ގެންދެވުނީ ކޮޓަރީގައި ވެއްޓިފައި އޮއްވާ
ޑރ.މަޖީދު:- އެމަނިކުފާނުގެ ހާލުކޮޅު ކުއްލި ގޮތަކަށް ސީރިއަސްވެ އައިސީޔޫގައި ގެންދަނީ ފަރުވާ ދެމުން
ކުރީގެ އިސްލާމިކް މިނިސްޓަރު އަބްދުލް މަޖީދު އަބްދުލް ބާރީގެ ސިއްހީ ހާލުކޮޅު ކުއްލި ގޮތަކަށް ގޯސްވެ، ސްރީލަންކާގެ ލަންކާ ހޮސްޕިޓަލުގެ އައިސީޔޫގައި ފަރުވާ ދޭން ފަށައިފިއެވެ.
ރާއްޖެއެމްވީއަށް އެނގިފައިވާ ގޮތުގައި ޑރ. މަޖީދުގެ ހާލުކޮޅު ގޯސްވީ ލަންކާގައި ހުންނަވަނިކޮށް ކުއްލި ގޮތަކަށެވެ. އަދި ހޮސްޕިޓަލަށް ގެންދެވުނީ ކޮޓަރީގައި ވެއްޓިފައި އޮއްވާ ކަމަށް ވެސް މައުލޫމާތު ލިބެ އެވެ. އަދި ހޮސްޕިޓަލަށް ގެންގޮސް އައިސީޔޫގައި ފަރުވާ ދެމުން އަންނައިރު އޮޕަރޭޝަނަކަށް ތައްޔާރުވަމުންދާ ކަމަށްވެސް މައުލޫމާތު ލިބިފައިވެ އެވެ. ނަމަވެސް އޭގެ އިތުރު ތަފްސީލެއް ލިބިފައެއް ނުވެއެވެ.
ޑރ. މަޖީދުގެ ސިއްހީ ހާލުކޮޅު ސީރިއަސްވުމާއެކު އާއިލާގެ ބައެއް ބޭފުޅުންވެސް ވަނީ ލަންކާއަށް މިރޭގެ ވަގުތެއްގައި ވަޑައިގެން ފައެވެ.
