ދިރާގުން ހިއްސާ އަކަށް 11.81 ރ ބަހަން ނިންމައިފި
14 މެއި 2018 | ހޯމަ 21:04އަހަރީ އާންމު ޖަލްސާގައި ބައިވެރިވެފައި ވަނީ 116 ހިއްސާދާރުން
ދިރާގުގެ އަހަރީ އާންމު ޖަލްސާގެ ތެރެއިން
ނިމިދިޔަ 2017 ވަނަ އަހަރު ދިރާގަށް ލިބުނު ފައިދާގެ ތެރެއިން ކޮންމެ ހިއްސާއަކަށް 11.81 ރ ބަހަން އެ ކުންފުނިން ފާސްކޮށްފިއެވެ.
މި ގޮތައް ފާސްކޮށްފައި ވަނީ އެ ކުންފުނީގެ އަހަރީ އާއްމު ޖަލްސާގައެވެ.
ހޯމަ ދުވަހުގެ ރޭ ކުރުނބާ ވިލެޖްގައި ބޭއްވި އަހަރީ އާންމު ޖަލްސާގައި ބައިވެރިވެފައި ވަނީ 116 ހިއްސާދާރުން ތަމްސީލު ކޮށްދޭ 53 މީހެކެވެ.
މިދިޔަ އަހަރު ދިރާގަށް ވަނީ ސާފު ފައިދާގެ ގޮތުގައި 898 މިލިއަން ރުފިޔާ ލިބިފައެވެ.
ހޯމަ ދުވަހުގެ ރޭގެ އާއްމު ޖަލްސާގައި ދިރާގުގެ ބޯޑަށް ޕަބްލިކް ޑިރެކްޓަރެއްގެ ގޮތުގައި އިމްރާން އަލީ ވަނީ ހަމަޖައްސާފައެވެ. އޭނާ އަކީ މިހާރު ވެސް ދިރާގުގެ ބޯޑުގައި ނޮން އެގްޒެކެޓިވް، އިންޑިޕެންޑެންޓް ޑިރެކްޓަރެއްގެ ގޮތުގައި ހަރަކާތްތެރިވަމުން އަންނަ ބޭފުޅެކެވެ.
މީގެ އިތުރުން މި އަހަރު ވެސް އެކްސްޓާނަލް އޮޑިޓަރަކަށް ހަމަޖައްސާފައިވަނީ ކޭޕީއެމްޖީއެވެ.
2016 ވަނަ އަހަރު ދިރާގުގެ ހިއްސާއަކަށް ލިބުނީ 5.96 ރުފިޔާއެވެ.
