މަޖޫރީއެއްގެ ފަޔަށް ފޯކްލިފްޓެއް އަރައި ފައި ޗިސް ވެއްޖެ
9 މެއި 2018 | ބުދަ 10:35ފައި ކުޑަ ހުޅާ ހަމައަށް ވަނީ ޗިސްވެފައި
މަޖޫރީގެ ފަޔަށް އެރި ފޯކްލިފްޓް
މަޖޫރީއެއްގެ ފަޔަށް ފޯކްލިފްޓެއް އަރައި ފައި ޗިސް ވެއްޖެއެވެ.
ބުދަ ދުވަހު މެންދުރު މި ހާދިސާ ހިނގާފައި ވަނީ މޯލްޑިވްސް ޕޯޓްސް ލިމިޓެޑުގެ މާލޭ ވިޔަފާރި ބަނދަރު ސަރަހައްދުގައެވެ. މަޖޫރީގެ ފަޔަށް ފޯކްލިފްޓް އަރާ ފައި ކުޑަ ހުޅާ ހަމައަށް ވަނީ ޗިސްވެފައެވެ.
ރާއްޖެއެމްވީއަށް މައުލޫމާތު ދިން އެ ސަރަހައްދުގައި ހުރި މީހަކު ބުނީ ފޯކްލިފްޓް އަރައި ޗިސްވެފައި ވަނީ އެނާގެ ކަނާތު ފައި ކަމަށެވެ. އަދި ފައިގެ މައްޗަށް ފޯކްލިފްޓް އަރާފައި ވަނީ ފޯކްފިލްޓު ކޮންޓެއިނަރެއް ހިފައިގެން ނުކުތް ވަގުތުކަމަށް މައުލޫމާތު ލިބިފައެވެ. އަދި އެނާގެ ފައި މައްޗަށް އަރާފައި ވަނީ ފޯކްލިފްޓްގެ ފަހަތު ފުރޮޅުކަމަށް ވެސް ރާއްޖެއެމްވީއަށް މައުލޫމާތު ދިން މީހާ ބުންޏެއެވެ.
ބައެއް މީޑިއާތަކަށް މައުލޫމާތު ދެމުން އެމްޕީއެލްގެ މީޑިއާ އޮފިޝަލް ވިދާޅުވީ އެ މައްސަލަ ފުލުހުން ތަޙްގީގް ކުރަމުންދާ ކަމަށެވެ. އަދި މި ވަގުތު ތަފްސީލެއް ހާމަކުރެވެން ނެތް ކަމަށެވެ.
