މާލޭ ދެކުނު ފަރާތު ފަތާ ޓްރެކް ސަރަހައްދުގެ އެއް ފަރާތަކަށް ވެލިތައް ޖަމާވެ، ތިލަވެފައިވާތީ އެތަން ފުން ކުރުމުގެ މަސައްކަތް ހައުސިން މިނިސްޓްރީން ފަށައިފިއެވެ.
އެސަރަހައްދު ވެލިތައް ޖަމާވެ ފަތަންދާ މީހުންނަށް ދަތިތަކާ ކުރިކުރިމަތިވާތާ ގިނަދުވަސް ވަނީވެފައެވެ. ދިޔަވަރު ހިކިގެންދާ ވަގުތުތަކުގައި އެތަނުގައި އަޅާފައިވާ ޕްލެޓްފޯމް ބޭނުން ނުކުރެވޭ ވަރަށް ހިކިގެންދާއިރު ދިޔަވަރު ބޮޑު ވަގުތުގައިވެސް ވެލި އަރާފައިވާ ސަރަހައްދުގެ ބައެއް ފެނުގެ އަޑިއަކަށް ނުދެއެވެ.
އެހެންވުމުގެ ސަބަބުން މިދިޔަ ހަފްތާގައި "ރާއްޖެއެމްވީ" އިން ވަނީ އެސަރަހައްދު ހިކެމުންދާތީ ކަންބޮޑުވުން ފާޅުކޮށް، ރިޕޯޓެއް ގެނެސްދީފައެވެ. ރިޕޯޓް ގެނައިތާ މާގިނަދުވަހެއް ނުވެ ހައުސިން މިނިސްޓަރ ޑރ. މުހައްމަދު މުއިއްޒު މޭ ހަތަރު ވަނަ ދުވަހު ކުރެއްވި ޓުވީޓެއްގައި ވިދާޅުވީ ފަތާ ސަރަހައްދު ފުން ކުރަން ޔޫތު މިނިސްޓްރީއިން އެދިފައިވާތީ އެކަން ކުރަން ނިންމައިފައިވާ ކަމަށެވެ.
Upon request from Youth Ministry, @HousingGovMv will attempt in dredging the area back to its original depth profile. Meanwhile, full support from the public is important specially for safety reasons. pic.twitter.com/km8APpjvTu
— Dr.Mohamed Muizzu (@MMuizzu) May 5, 2018
މޭ ފަސްވަނަ ދުވަހު އެސަރަހައްދު ކޮނުމަށްޓަކައި ހައިމާކެއް ދަނީ ބޭނުން ކުރަމުންނެވެ. ޓުރެކް ސަރަހައްދުގައި ދެ ޕްލެޓްފޯމް އޮތްއިރު އުސްފަސްގަޑާއި ކައިރީ އޮތް ޕެލެޓް ނެގުމަށް ފަހު އެހިސާބުން ފެށިގެން އުސްފަސްގަނޑާއި ދިމާލަށް ވަނީ ކޮނުމުގެ މަސައްކަތް ފަށާފައެވެ.
އިތުރު މައުލޫމާތު ހޯދަން ހައުސިންގް މިނިސްޓްރީއަށް ގުޅުމުން މައުލޫމާތު ލިބޭގޮތް ވަނީ ނުވެފައެވެ.
