ތ. ގާދިއްފުށީ ރައްޔިތުންގެ ފަރާތުން ރާއްޖެޓީވީއަށް މާހެފުމެއް!
މި މާހެފުމުން ބާއްވާފައިވަނީ ހޭންގް އައުޓް ކެފޭގައި ބޮޑުބެރުގެ ހަރަކާތްތަކާއެކީގައި
މާހެފުމުގައި ހުރި ކެއުމުގެ ބާވަތްތައް
ތ. ގާދިއްފުށީ ރައްޔިތުންގެ ފަރާތުން ހުކުރު ދުވަހުގެ ރޭ ރާއްޖެޓީވީގެ މުވައްޒަފުންނަށް މާހެފުމެއް ދީފިއެވެ.
މި މާހެފުމުން ބާއްވާފައިވަނީ ހޭންގް އައުޓް ކެފޭގައި ބޮޑުބެރުގެ ހަރަކާތްތަކާއެކީގައެވެ.
ގާދިއްފުށީ ކައުންސިލްގެ ރައީސް ވިދާޅުވީ މި މާހެފުން ރާއްޖެޓީވީގެ މުވައްޒަފުންނަށް ދީފައިވަނީ ރާއްޖެޓީވީގެ މުވައްޒަފުން ކުރާ މަސައްކަތުގެ އަގު ވަޒަންކުރުމުގެ ގޮތުން ކަމަށާއި ރާއްޖެޓީވީގެ މުވައްޒަފުން ކުރަމުންގެންދަނީ ހިތްވަރުގަދަ މަސައްކަތެއް ކަމަށެވެ.
ތ. ގާދިއްފުށީ ރައްޔިތުންގެ ފަރާތުން ހުކުރު ދުވަހުގެ ރޭ ރާއްޖެޓީވީގެ މުވައްޒަފުންނަށް ދިން މާހެފުމުގެ ތެރެއިން -- ފޮޓޯ: ރާއްޖެ.އެމްވީ
މި މާހެފުމުގައި ރާއްޖެޓީވީގެ ގިނަ ސްޓާފުންތަކެއް ވަނީ ބައިވެރިވެފައެވެ.
ތ. ގާދިއްފުށީ ރައްޔިތުންގެ ފަރާތުން ހުކުރު ދުވަހުގެ ރޭ ރާއްޖެޓީވީގެ މުވައްޒަފުންނަށް ދިން މާހެފުމުގެ ތެރެއިން -- ފޮޓޯ: ރާއްޖެ.އެމްވީ
އެ ރަށު ރައްޔިތުންނަށް ޝުކުރު އަދާކުރައްވަމުން ރާއްޖެޓީވީގެ ޗީފް އޮޕަރޭޓިންގ އޮފިސަރ ހުސެއިން ފިޔާޒް މޫސާ ވިދާޅުވީ މިގޮތަށް ރަށްތަކުން ރާއްޖެޓީވީގެ މުވައްޒަފުން ކުރާ މަސައްކަތުގެ އަގުވަޒަން ކުރާތީ އުފާވާ ކަމަށާއި ރާއްޖެޓީވީން އަބަދުވެސް ތެދު ޚަބަރާއި މައުލޫމާތު ގެނެސްދިނުމުގައި ދެމިތިބޭނެ ކަމަށެވެ.
ތ. ގާދިއްފުށީ ރައްޔިތުންގެ ފަރާތުން ހުކުރު ދުވަހުގެ ރޭ ރާއްޖެޓީވީގެ މުވައްޒަފުންނަށް ދިން މާހެފުމުގެ ތެރެއިން -- ފޮޓޯ: ރާއްޖެ.އެމްވީ
އައްޑޫ ސިޓީގެ ހުޅުމީދޫ އިންވެސް ވަނީ މި މަހުގެ އެއްވަނަ ދުވަހު ރާއްޖެޓީވީއަށް މާހެފުން ގެނެސްފައެވެ.
ރާއްޖެޓީވީގެ މުވައްޒަފުންނަށް މަސައްކަތް ކުރުމުގެ ހިތްވަރު ލިބި ރޫހު އާލާވެގެންދަނީ މިގޮތަށް އެކި ރަށްތަކުގެ ރައްޔިތުންގެ ފަރާތުން މުވައްޒަފުންނަށް ލިބޭ ލޯތްބާއި ހިތްވަރުގެ ސަބަބުންނެވެ.
