ޓްރެކްގެ މޫދުން 54 ގޯނީގެ ކުނި ނަގައިފި
4 މެއި 2018 | ހުކުރު 08:44އެތަން ހަޑިނުކޮށް ސާފުކޮށް އޮތުމަށް އެދޭކަމަށް އެ ޒުވާނުން ވަނީ ބުނެފަ
ޓްރެކްގެ މޫދު އޮތީ ކުނިން ތަޣައްޔަރުވެފައި
ޒުވަނުންގެ ގުރޫޕަކުން އިސްނަގައިގެން މާލޭ ފަތާ ޓްރެކް ސާފުކޮށްފިއެވެ.
ހުކުރު ދުވަހުގެ ހެނދުނު ކުރިއަށް ގެންދިތަ މި އިވެންޓްގައި އެ ޒުވާނުންވަނީ، 54 ގޯނީގެ ކުނި ޓްރެކްގެ މޫދު ނަގައިފައެވެ.
ޑައިވިން ކުދިންކޮޅެއްވެސް ހިމެނޭ ގޮތުން ޓްރެކް ސާފުކޮށްފައިވާއިރު، އެމީހުން ބުނެފައިވާ ގޮތުގައި އެ ސަރަހައްދުގެ މޫދު އެއްކޮށް އޮތީ ކުނިން ތަޣައްޔަރުވެފައެވެ. އަދި އެތަން ހަޑިނުކޮށް ސާފުކޮށް އޮތުމަށް އެދޭ ކަމަށް އެ ޒުވާނުން ވަނީ ބުނެފައެވެ.
ޓްރެކް ސާފުކުރުމުގައި ޒުވާނުން
އަދި ޚާއްސަކޮށް ޕްލާސްޓިކް ކުނިބުނި މޫދަށާއި ފަރުތަކުގެ ސަރަހައްދަށް ނޭޅުމަށް އެ ޒުވާނުން ވަނީ ގޮވާލައިފައެވެ.
މާލޭ ފާތާ ޓްރެކް ސަރަހައްދުގައި އިންތިހާއަށް ކުނި ގިނަވެގެން އެވާހަކަތައް މީޑިއާގެ ފަލަ ސުރުހީތަކަށްވެސް ވަނީ އަރައިފައެވެ. އެކަން ކަމާބެހޭ ފަރާތްތަކުން ބެލި ކަމަށް ވެސް އެ ޒުވާނުން ބުންޏެވެ.
މާލޭ ޓްރެކް ސަރަހައްދަކީ ސްކޫލް ކުދިންނާއި ގިނަ ބަޔަކު ކޮންމެ ދުވަހަކު މޫދަށް ދާ ސަރަހައްދެއް ނަމަވެސް އެތަން ބެލެހެއްޓުމުގައި ކަމާބެހޭ ފަރާތްތަކުގެ އިހުމާލު ވަރަށް ބޮޑަށް އޮތްކަން ގިނަ ބަޔަކު ފާހަގަކުރެއެވެ.
