މިލިންދް ކައިވެނި ކޮށްފި

ބޮލީވުޑްގެ ބަތަލު އަދި ޕްރޮޑިއުސަރު މިލިންދް ސޯމަން ކައިވެނިކޮށްފި އެވެ.

އުމުރުން 52 އަހަރުގެ މިލިންދް ކައިވެނިކޮށްފައިވަނީ 26 އަހަރުގެ އެއާ ހޮސްޓެއްކަމަށްވާ އަންކިތާ ކޮންވަރްއާއެވެ. މިލިންދް އަކީ އިންޑިއާގެ މަޝްހޫރު މޮޑެލެއް ވެސްމެއެވެ. މިލިންދާއި އަންކިތާ ކައިވެނި ކޮށްފައިވަނީ މިމަހުގެ 22 ގައި(އިއްޔެ)އެވެ.

އެދެމީހުން ލޯބީގެ ގޮތުން ގުޅުމުން ވެސް ވަރަށްގިނަ މީހުންގެ ސަމާލުކަން މީގެ ކުރިން ވަނީ ލިބިފައެވެ.އަދި އުމުރުގެ ތަފާތާއި ހެދި ބައެއްމީހުންގެ ފާޑުކިޔުންވެސް އެދެމީހުންނަށް އަމާޒުވިއެވެ. އެ ދެމީހުން ކައިވެނިކޮށްފައި ވަނީ ހަތަރު އަހަރު ދުވަހު ރައްޓެހިވެގެން އުޅުމަށްފަހުގައި ކަމަށެވެ.

ޚަބަރުތައް ބުނާގޮތުގައި މިލިންދާއި އަންކިތާގެ ކައިވެނި ޕާޓީ ބާއްވާފައިވަނީ އިންޑިއާގެ މުމްބާއީގައެވެ. މި ކައިވެނި ހަފްލާގައި ބައިވެރި ވެފައިވަނީ އަނަންދާއި ނިކިތާގެ ގާތް އެކުވެރިންނާއި އާއިލާގެ މީހުންނެވެ. މިލިންދް އާއި އަންކިތާގެ އުމުރުގެ ތަފާތު ބޮޑުކަމުން ފުރަތަމަ އަންކިތާގެ އާއިލާއިން ވެސް ހިތްހަމަނުޖެހިފައި ތިބިކަމަށް މީގެ ކުރިން މީޑިއާތަކުގައި ރިޕޯޓް ކޮށްފައިވެއެވެ. އެހެން ނަމަވެސް އަނަންދް އަންކިތާގެ އާއިލާއާއި ބައްދަލުވެ ވާހަކަދެއްކުމުން އެއާއިލާއިން އަނަންދާއި އަންކިތާގެ ގުޅުމަށް ރުހިފައިވާކަމަށް ރިޕޯޓްތައްބުނެއެވެ.

މިލިންދް ވަނީ އޭނާގެ އުފަންދުވަސް ވެސް އަންކިތާ އާއެކު ނޯވޭގައި ފާހަގަކޮށްފަ އެވެ.

މިލިންދް ވަނީ މީގެ ކުރިން ވެސް ކައިވެންޏެއްކޮށްފައެވެ. އެއީ ފްރާންސްގެ އެކްޓަރެއްކަމަށްވާ މައޮލޭނީ ޖަމްޕާނޯއާއެވެ. 2006 ވަނަ އަހަރު ކުރި އެދެމީހުންގެ ކައިވެނި ރޫޅުނީ 2009 ވަނަ އަހަރުގައެވެ.