ފިލްމީތަރި ރޭޗަލްއަށް 48 އަހަރު، އިނީ ބަލިވެ
މިއީ ރޭޗެލް ވައިސް އާއި ޑެނިއެލް ކްރެއިގްގެ ފުރަތަމަ ދަރިފުޅު
ރޭޗެލް ވައިސް އާއި އޭނާގެ ފިރިމީހާ ޑެނިއެލް ކްރެއިގް
އިނގިރޭސި ފިލްމީ ތަރި ރޭޗަލް ވައިސް އުމުރުން 48 އަހަރުގައި ބަލިވެއިންކަން ހާމަކޮށްފިއެވެ.
ރޭޗަލް ވައިސް އާއި އޭނާގެ ފިރިމީހާ ޑެނިއެލް ކްރެއިގް ވަނީ ރޭޗަލް އެދެމީހުންގެ ފުރަތަމަ ދަރިފުޅަށް ބަލިވެއިންކަން ހާމަކޮށްފައެވެ. ޑެނިއެލް ކްރެގްއާ އަކީ ޖޭމްސް ބޮންޑުގެ ރޯލު ކުޅެފައިވާ އެކްޓަރެކެވެ.
މިއީ މި ދެމީހުންގެ ފުރަތަމަ ދަރިފުޅު ނަމަވެސް، ރޭޗަލް އަދި ޑެނިއެލްގެވެސް އެހެން މީހުންނާއި އެކު ލިބިފައިވާ އިތުރު ކުދިން އެބަ ތިއްބެވެ. އެގޮތުން ރޭޗަލްގެ 11 އަހަރުގެ ފިރިހެން ކުއްޖަކު ހުރިއިރު، ޑެނިއެލްގެ 25 އަހަރުގެ އަންހެން ކުއްޖަކު އެބަހުއްޓެވެ.
މި ދެމީހުން ކައިވެނިކޮށްފައިވަނީ 2011 ގައެވެ. މިދެމީހުންގެ ކައިވެންޏަށް 8 އަހަރު ވެފައިވާއިރު ނިއުޔޯކް ޓައިމްސްއަށް ދީފައިވާ އިންޓަވިއުއެއްގައި ރޭޗަލް ބުނެފައިވަނީ އެދެމީހުންތިބީ ދަރިއަކު ލިބޭތީ ވަރަށް އުފަލުންކަމަށެވެ.
"ޑެނިއަލްއާއި އަހަރެން މިތިބީ ވަރަށް އުފަލުން. އަހަރެމެންނަށް ކުޑަކުޑަ ކުއްޖަކު ލިބެންއުޅޭތީ. އެދަރިފުޅާއި ބައްދަލު ވުމަށް ދެމީހުން މިތިބީ ކެތްމަދުވެފަ" ރޭޗެލް ބުނެފައިވެއެވެ.
48 އަހަރުގައި ރޭޗަލް ބަލިވެ އިނުމުން މީހުންގެ ޝައުގުވެރިކަން އެދެމީހުންނަށް ވަނީ އަމާޒުވެފައެވެ.
