ބްރިޖަށް މާލޭގެ ބޮޑު ތަކުރުފާނު މަގު ފުޅާކުރާތީ ބޮޑުބައެއްގައި ޕާކް ކުރުން މަނާކޮށްފި
މާފަންނު ސްޑޭޑިއަމުން ފެށިގެން ހުޅުމާލެ ފެރީ ޓާމިނަލާ ހަމައަށް ޕާކް ކުރުން މަނާ
ބޮޑުތަކުރުފާނު މަގު ފުޅާކުރުމަށް އެ މަގުގެ ވަކި ހިސާބެއްގައި ވަނީ ޕާކް ކުރުން މަނާކޮށްފައި
މާލެ އާއި ހުޅުލެއާ ދެމެދު އަޅާ ބްރިޖަށް ދަތުރުކުރަން ފަސޭހަ ކުރުމުގެ ގޮތުން މާލޭ ބޮޑުތަކުރުފާނު މަގު ފުޅާ ކުރުމުގެ މަސައްކަތްތަކެއް ކުރަމުންދާތީ އެމަގުގެ ބޮޑު ބައެއްގައި ޕާކު ކުރުން މަނާ ކޮށްފި އެވެ.
ޕާކު ކުރުން މަނާކޮށްފައި ވަނީ މާފަންނު ސްޓޭޑިއަމް ހިސާބުން ފެށިގެން ހުޅުމާލެ ފެރީ ޓާމިނަލްއާ ދެމެދުގެ ބޮޑުތަކުރުފާނު މަގުގެ ސަރަހައްދުގަ އެވެ.
ޓްރާންސްޕޯޓް އޮތޯރިޓީން ކުރި އިއުލާނެއްގައި ބުނެފައިވާ ގޮތުން އެ ސަރަހައްދުގައި އެއްގަމު އުޅަނދު ޕާކުކުރުން މަނާކުރީ މާލޭ އިރުމަތީ ފަރާތާއި ދެކުނު ފަރާތު ސަރަހައްދުގެ ބޮޑުތަކުރުފާނު މަގު ފުޅާކޮށް މަގު ރަނގަޅު ފެންވަރަކަށް ހަދަމުންދާތިއެވެ.
އެ މަގުގެ މަސައްކަތް ނިމެންދެން އެ ސަރަހައްދުގައި އެއްގަމު އުޅަނދު ޕާކުކުރުން ވަނީ މަނާކޮށްފައެވެ. މާލޭ އިންޑަސްޓްރިއަލް ވިލެޖް ތަރައްގީ ކުރުމާއި އެސަރަހައްދުގެ މަގުތައް ތަރައްގީ ކުރުމުގެ މަސައްކަތްތައްކެއް ކުރަމުންދާ ކަމަށް ހައުސިންގ މިނިސްޓްރީން ބުނެއެވެ. ބްރިޖަށް ބޮޑުތަކުރުފާނު މަގު ފުޅާކުރުމުގެ މަސައްކަތް ކުރަމުންދާއިރު، އެ ސަރަހައްދުގައި ހުރި ގިނަ ގަސްތަކެއް ކަނޑާފައިވާއިރު، އޭގެ ތެރޭގައި ދުވަސްވީ ބޮޑެތި ގަސްތަކެއް ވެސް ކަނޑާފައި ވެއެވެ.
