1439 ވަނަ އަހަރުގެ ރަމަޟާންމަހު އިމާމުވެ ތަރާވީހު ނަމާދު ކުރާނެ ހާފިޒުން ހޯދަން އިއުލާނުކޮށްފިއެވެ.
މިނިސްޓްރީ އޮފް އިސްލާމިކް އެފެއާޒް އިން ކޮށްފައިވާ އިއުލާނެއްގައި ބުނެފައިވަނީ، ރަމަޟާންމަހު މިސްކިތް ތަކުގައި ޙިފްޡުކޮށް އިމާމުވެ ތަރާވީޙު ނަމާދު ކުރާނެ ދިވެހި ޙާފިޡުންހޯދަން ބޭނުންވާ ކަމަށެވެ. ޙިފްޡުކޮށް ތަރާވީޙު ނަމާދު ކުރުމަށް ދިވެހި ޙާފިޡުންނަށް ފުރުސަތު ހުޅުވާލާ ކަމަށް މި އިއުލާނުގައި ވެއެވެ.
މިކަމަށް އެދޭ ފަރާތްތަކުން "ޙިފްޡުކޮށް އިމާމުވެ ތަރާވީޙު ނަމާދުކުރާނެ ދިވެހި ޙާފިޡުން ރަޖިސްޓްރީ ކުރުމަށް އެދޭ ފޯމް" ފުރިހަމަކޮށް 2018 އެޕްރީލް 30 ވަނަ ދުވަހުގެ 14.00 ގެ ކުރިން އިސްލާމިކް މިނިސްޓްރީއަށް ފޯމު ހުށަހެޅުއްވުމަށް ވަނީ އަންގާފައެވެ. ރަށު ކައުންސިލެއްގެ މިސްކިތެއްގައި ތަރާވީޙު ނަމާދު ކުރައްވާނަމަ ރަށު ކައުންސިލުގެ އިދާރާއަށް ނުވަތަ މާލެ ސިޓީ ފިޔަވާ އެހެން ސިޓީއެއްގެ މިސްކިތެއްގައި ތަރާވީޙު ނަމާދު ކުރައްވާނަމަ އެރަށެއްގައި ހުންނަ އިސްލާމިކް މިނިސްޓްރީގެ ޔުނިޓަށް ހުށަހެޅުއްވުމަށް ވެސް ވަނީ އަންގާފައެވެ.
ޙިފްޡުކޮށް އިމާމުވެ ތަރާވީޙު ނަމާދުކުރާނެ ދިވެހި ޙާފިޡުން ރަޖިސްޓްރީ ކުރުމަށް އެދޭ ފޯމް މިނިސްޓްރީގެ ރިސެޕްޝަނުންނާއި ވެބްސައިޓްwww.islamicaffairs.gov.mv އިން ލިބެން ހުންނާނެ ކަމަށް އިސްލާމިކް މިނިސްޓްރީގެ އިއުލާނުގައިވެއެވެ.
