ކުއަންޓިކޯގެ ސީޒަން 3 ގެ ޓްރެއިލާ ދައްކާލައިފި
ކުއަންޓިކޯގެ ތިންވަނަ ސީޒަން ދައްކަން ފަށާނީ އަންނަ އެޕްރީލް މަހުގެ 26ގައި
ކުއަންޓިކޯގެ ލީޑު ރޯލުން ފެނިގެންދާ ޕްރިޔަންކާ ޗޮޕްރާ
އޭބީސީ އިން ދައްކަމުން އަންނަ ކުއަންޓިކޯގެ ތިންވަނަ ސީޒަންގެ ޓްރެއިލާ ދައްކާލައިފިއެވެ.
މިފިލްމުގެ ލީޑު ރޯލުން ފެނިގެންދާ ކުޅަދާނަ ތަރި ޕްރިޔަންކާ ޗޯޕްޅާ ވަނީ ކުއަންޓިކޯގެ ޓްރެއިލާ އޭނާގެ އިންސްޓަގްރާމުގައާއި ޓްވިޓާގައި އާންމުކޮށްފައެވެ.
ޔޫޓިއުބުމެދުވެރިކޮށް ވެސް މިހާރު ފެންނާނެ މި ޓްރެއިލާގައި ކުރިން ނިކުތް ކުއަންޓިކޯގެ ދެ ސީޒަންއާއި ތަފާތުކޮށް ޕްރިޔަންކާގެ ފެނިލުން ތަފާތެވެ. ޕްރިޔަންކާ ވެސް ބުނެފައި ވަނީ ތިން ވަނަ ސީޒަނުގައި އެފްބީ އައި އެޖެންޓް އެލެކްސް ޕެރިޝްގެ ރޯލު އޭނާ ފެންނާނީ ތަފާތުކޮށް ކަމަށެވެ.
ކުއަންޓިކޯގެ ތިންވަނަ ސީޒަން ދައްކަން ފަށާނީ އަންނަ އެޕްރީލް މަހުގެ 26 ގައެވެ.
ކުއަންޓިކޯއިން ފެނިގެންދާތަރިންގެ ތެރޭގައި ޕްރިޔަންކާގެ އިތުރުން ޖޭކް މެކްލޯލިން، ޖޮހާނާ ބްރެޑީ، ބްލެއާ އަންޑަވުޑް އަދި ރަސަލް ޓޯވީ ހިމެނެ އެވެ.
ތިންވަނަ ސީޒަނުގެ އެންމެ ފަހު އެޕިސޯޑް ނަގާފައިވަނީ އަޔަލޭންޑުގައެވެ. މިސީރީޒްގެ ފުރަތަމަ ދެ ސީޒަނުގައި ޖުމްލަ ދައްކާފައިވަނީ 44 އެޕިސޯޑެވެ. މިސީރީޒް ފަށާފައިވަނީ 2015 ވަނަ އަހަރުގެ ތެރޭގައެވެ.
