ރެޑްވޭވް ރޯދަ ސޭލް ފަށައިފި

ރާއްޖޭގައި ފުޅާ ދާއިރާއެއްގައި ރީޓެއިލް ވިޔަފާރިކުރާ ކުންފުންޏެއް ކަމަށްވާ ރެޑްވޭވް އިން ރޯދަ ސޭލް ފަށައިފިއެވެ.

ރެޑްވޭވް އިން ބުނީ މިފަހަރުގެ ސޭލްގައި ދޭ ފައިސާގެ އަދަދު އިތުރުކޮށްފައިވާނެ ކަމަށެވެ. އެގޮތުން އެއްވަނަ އިނާމަކަށް 100،000ރ. ދޭ ނިންމާފައިވާއިރު ދެވަނަ އިނާމަކަށް ދޭނީ 50،000ރ. އެވެ. އަދި ތިން ވަނަ އިން ފެށިގެން 10 ވަނައާ ދެމެދު ކޮންމެ ވަނައަކަށް 10،000ރ.ގެ އިނާމެއް ދިނުމަށް ވަނީ ނިންމަފާއެވެ.

ރޯދަ މަސް ނިމެންދެން ކުރިޔަށްދާ ސޭލްގެ ގުރުއަތުގައި ބައިވެރިވޭނީ 300ރ. އިން މަތީގެ ވިޔަފާރިކުރާ ކޮންމެ ފަރާތަކަށެވެ.

އެ ކުންފުނިން ހިންގާ ދިހަ ފިހާރައިން ވިޔަފާރިކުރާ ފަރާތްތަކަށް މި ސޭލްގައި ވެސް ބައިވެރިވެވޭނެއެވެ.

ރެޑްވޭވް އިން މިއަހަރު ވަނީ އިލެކްޓްރޯނިކްސް ސާމާނު ވިއްކާ ފިހާރައަކާއި ގޭތެރޭގައި ބޭނުން ކުރާ ސާމާނާއި ބަދިގެ ސާމާނު ވިއްކާ ފިހާރައެއްގެ އިތުރުން ފަރުނީޗަރު ވިއްކާ ފިހާރައެއް ވެސް ހުޅުވާފައެވެ.