ދިރާގު ޕޯސްޓްޕެއިޑް ކަސްޓަމަރުންނަށް ހާއްސަ ޕްރޮމޯޝަނެއް ފަށައިފި

ދިރާގުގެ ފަރާތުން ދިރާގު ޕޯސްޓްޕެއިޑް ކަސްޓަމަރުންނަށް ހާއްސަ ޕްރޮމޯޝަނެއް ފަށައިފިއެވެ.

މި ޕްރޮމޯޝަންގައި ޝޯޝަލް މީޑިއާ އެޕްލިކޭޝަންތައް ބޭނުން ކުރުމަށް ދިރާގުގެ ފަރާތުން ހިލޭ ބޯނަސް ޑޭޓާ ދިނުމަށް ހަމަޖެހިފައިވާ ކަމަށް ދިރާގުން ބުނެއެވެ. މި ޕްރޮމޯޝަންގެ ދަށުން 5ޖީބީގެ ޑޭޓާ އެލަވަންސްއެއް ލިބިގެންދާނެއެވެ. ކުރިން ދިރާގުން ދޫކުރަމުން ދިޔައީ ޝޯޝަލް މީޑިއާ އެޕްލިކޭޝަންސް ބޭނުން ކުރުމަށް 3ޖީބީގެ ޑޭޓާ އެލަވަންސްއެކެވެ.

މި ޕްރޮމޯޝަން ކުރިއަށްދާނީ މި އަހަރުގެ އޭޕްރިލް މަހުގެ ނިޔަލަށެވެ. އަދި މި މުއްދަތުގައި އަލަށް ޕޯސްޕެއިޑް ނަގާ ކަސްޓަމަރުންނަށް ވެސް މި ޕްރޮމޯޝަންގައި ބައިވެރިވެވޭނެ ކަމަށް ދިރާގުން ބުނެއެވެ. ދިރާގުން ރާއްޖޭގައި މުވާސަލާތާއި ޑިޖިޓަލް ހިދުމަތް އެންމެ ފުޅާ ދާއިރާއެއްގައި ފޯރުކޮށްދީ މިފަދަ ޕްރޮމޯޝަންތައް ހިންގުމުގައި އަބަދު ވެސް ބަލަނީ ދިވެހިންގެ ދިރިއުޅުމަށް އިތުރު ފަސޭހަތައް ގެނުވައި އުފާވެރި މުސްތަގްބަލެއް ހޯދުމުގައި އެހީތެރިވެދިނުން ކަމަށް އެ ކުންފުނިން ބުނެއެވެ.

ދިރާގުން ވަނީ ފެބްރުއަރީ މަހު 4ޖީ ސިމް އަދި ހެޔޮއަގުގައި 4ޖީ ފޯނު ގަންނަން ލިބޭ ހާއްސަ ޕްރޮމޯޝަނެއްވެސް ފަށާފައެވެ.