ޑައިރެކްޓަރ ޑޭވިޑް ދަވަން މީގެ ކުރިން ޑައިރެކްޓް ކޮށްފައިވާ ފިލްމު ތަކަކީ ރޮމޭންޓިކް އަދި ކޮމެޑީ ފިލްމުތަކެވެ.

އޭނާ ދާދިފަހުން ދީފައިވާ އިންޓަވިއުއެއްގައި ބުނެފައިވަނީ ބޭނުންވަނީ ޖޯންރާ ބައްދަލު  ކުރުމަށް ކަމަށެވެ. ކުރިން ގެނެސްދިން ލޯބީގެ ކޮމެޑީ ފިލްމުތަކުގެ ބަދަލުގައި ބޭނުންވަނީ ސީރިއަސް ޖޯންރާގެ ފިލްމުތައް ގެނެސްދިނުމަށް ކަމަށް އޭނާ ބުންޏެވެ.

ޑޭވިޑް ބުނެފައިވަނީ އޭނާއަށް އެޚިޔާލު އައީ އޭނާގެ ދަރި އަދި މަޝްހޫރު ޑައިރެކްޓަރ ވަރުން ދަވަންގެ އެންމެ ފަހު ފިލްމު އޮކްޓޯބަރގައި ވަރުން ދަވަން ދައްކުވައިދީފައިވާ ހުނަރުގެ ސަބަބުން ކަމަށެވެ. އެ ފިލްމުގެ ޓްރެއިލާ ބެލުމަށް ފަހު އަދި ސީރިއަސް ފިލްމެއްގެ މަސައްކަތަށް ޝައުގުވެރިކަން ހުރި ކަމަށް ވަރުން ކައިރީ ބުނެފައިވާނެ ކަމަށާއި ވަރުންގެ ހޮވުންތަކަށް ބަލާ އިރު އޭނާ އަންނަނީ ރިސްކް ނަގަން ކެރޭ އެކްޓަރެއްކަން ސާބިތުކޮށް ދެމުން ކަމަށެވެ. އަދި ވަރުންގެ ހޮވުންތަކަށް އޭނާ ފަޚުރުވެރިވާކަމަށް ޑޭވިޑް ވަނީ ބުނެފައެވެ.

ޑޭވިޑް ބުނާގޮތުން އޭނާ ނެރޭ އެންމެ ފުރަތަމަ ސީރިއަސް ފިލްމުގައި ފެނިގެންދާނީ ދަރިފުޅު ވަރުން ދަވަންއެވެ. ވަރުން ލީޑުރޯލުން ފެންނައިރު ދެ މީހުން ވެގެން ބެލުންތެރިން ސިއްސުވާލާ ކަހަލަ ފިލްމެއް ގެނެސްދޭނެ ކަމަށް ޑޭވިޑް ވަނީ ބުނެފައެވެ.

"ވަރުން އަހަރެން އިންސްޕަޔާ ކޮށްދީފި. ވަރުންގެ ސަބަބުން އަހަރެންގެ ފިލްމު ހެދުމުގެ ޖޯންރާ ދޫކޮށްލައި  ސީރިއަސް ފިލްމެއް ހަދަން ވަރަށް ބޮޑަށް ހިތްވަރު ލިބިއްޖެ." ޑޭވިޑް ދަވަން ބުންޏެވެ.

ޑޭވިޑް އުފައްދާފައިވާ ފިލްމު ތަކުގެ ތެރޭގައި މެއިން ތެރަ ހީރޯ، ޖުޅްވާ،މުޖްސޭ ޝާދީ ކަރޯންގީ، ބީވީ ނަންބަރު ވަން ހިމެނެއެވެ. އޭގެ ތެރެއިން މެއިން ތެރަ ހީރޯއަށް ވަނީ ސްޓާޑަސްޓް އެވޯޑް އަށް ނޮމިނޭޓްވެ ބިގް ސްޓާ މޮސްޓް އެންޓަޓައިންމަންޓް އެވޯޑް 2014 ވަނަ އަހަރު ލިބިފައެވެ.

އޮކްޓޯބަރ ބެލުންތެރިންނަށް ފެނިގެން ދާނީ އެޕްރީލް މަހުގެ 13 ވަނަ ދުވަހުއެވެ. މި ފިލްމު ޑައިރެކްޓް ކޮށްފައިވަނީ ސުޖިތު ސިރްކާސްއެވެ.

މި ފިލްމުގައި ވަރުންއާއި އެކު ފެނިގެންދާނީ  ބިނީތާ ސަންދޫ އެވެ. ބިނީތާ ސަންދޫއަކީ ބޮލީވުޑަށް އަލަށް ތައާރަފްވާ ތަރިއެކެވެ.