ރިތިކް ރޯޝަންގެ އާ ސުޕަހީރޯ ފިލްމަކީ ރޯހިތު ދަވަންގެ ފިލްމެއް
މި ފިލްމަކީ ވީއެފްއެކްސް އާއި ސީޖީއައިގެ އެންމެ ފަހުގެ ޓެކްނޮލޮޖީ ބޭނުންކޮށްގެން އުފައްދާ ފިލްމެއް
ރިތިކް ރޯޝަން
ބޮލީވުޑްގެ ތަރި ރިތިކް ރޯޝަން މީގެ ކުރިން ސުޕަހީރޯ ފިލްމަކުން ފެނިގެން ދިޔައީ "ކްރިޝް" ފްރަންޗައިޒްގެ ފިލްމުތަކުންނެވެ.
"ކްރިޝް" ފްރަންޗައިޒްގެ ތިންވަނަ ބައި ނެރުމަށް ހަމަޖެހިފައި ވަނީ 2019 ވަނަ އަހަރުއެވެ. އެހެން ނަމަވެސް ރިތިކް މިފަހަރު ސުޕަހީރޯ ރޯލުން ފެނިގެންދާނީ "ކްރިޝް" ފްރަންޗައިޒަކުންނެއް ނޫނެވެ.
ޚަބަރުތައް ބުނާ ގޮތުގައި ރިތިކްގެ އާ ސުޕަހީރޯ ފިލްމަކީ ފިލްމު ޑައިރެކްޓަރ ރޯހިތު ދަވަންގެ ފިލްމެކެވެ. ރޯހިތު ދަވަން މިހާރު މި ފިލްމުގެ ސްކްރިޕްޓް ލިޔުމުގެ މަސައްކަތް ފަށާއިވާ ކަމަށާއި އެ ފިލްމުގައި ރިތިކް ފެންނާނީ ލީޑު ރޯލުން ކަމަށް ޚަބަރުތައް ބުނެއެވެ.
މި ފިލްމަކީ ވީއެފްއެކްސް އާއި ސީޖީއައިގެ އެންމެ ފަހުގެ ޓެކްނޮލޮޖީ ބޭނުންކޮށްގެން އުފައްދާ ފިލްމެކެވެ.
ރިތިކްގެ ކުރިއަށް ހުރި ފިލްމުތަކުގެ ތެރޭގައި މަޝްހޫރު މެތަމެޓިޝަން ކަމަށްވާ އާނަންދު ކުމާރުގެ ހަޔާތުގެ މައްޗަށް އުފައްދާ ފިލްމު "ސުޕަ 30" ހިމެނެއެވެ. އެ ފިލްމުގައި ރިތިކް ފެންނާނީ ލީޑް ރޯލުންނެވެ.
