ސިނގިރޭޓް ބުއިން ހުއްޓަން ވަރަށް މަސައްކަތް ކުރަން :އާމިރު ޚާން

ސިނގިރޭޓް ބުއިން ހުއްޓަން ވަރަށް މަސައްކަތް ކުރާކަމަށާއި އަދިވެސް އެކަން ވާގޮތް ނުވާކަމަށް ފިލްމީތަރި އަދި ޑައިރެކްޓަރ އާމިރު ޚާން ބުނެފިއެވެ.

އާމިރު ޚާންއަށް މިދިޔަ ބުރާސްފަތި ދުވަހު 53 އަހަރު ވުމާއި ގުޅިގެން ބޭއްވި ނޫސްވެރިންގެ ބައްދަލުވުމެއްގައި ބުނެފައިވަނީ އޭނާ ސިނގިރޭޓް ބުއިން ހުއްޓާލެވޭތޯ ވަރަށް މަސައްކަތް ކުރާކަމަށާއި އެހެން ނަމަވެސް އޭނާއަށް އެކަން ކުރެވޭ ގޮތް ވެފައި ނުވާކަމަށެވެ. އާމިރު ބުނީ އެތަށް ފަހަރެއްގެ މަތިން އޭނާ ސިނގިރޭޓް ބުއިން ހުއްޓާލައިގެން ހުންނަން މަސައްކަތް ކުރާކަމަށެވެ. އެހެން ނަމަވެސް އޭނާއަށް އެކަން "ފެއިލް" ވެފައިވާކަމަށް އާމިރު ވަނީ ބުނެފައެވެ. އެހެން ނަމަވެސް އަދިވެސް އޭނާ ސިނގިރެޓް ބުއިން ހުއްޓާލެވޭތޯ މަސައްކަތް ކުރާނެކަމަށް ބުންޏެވެ.

އާމިރު ޚާން ދަނީ އޭނާގެ އެންމެ ފަހުގެ ފިލްމު ތަގްސް އޮފް ހިންދުސްތާނުގެ މަސައްކަތް ކުރަމުންނެވެ. އެފިލްމު ނެރޭނީ މިއަހަރުގެ ނޮވެމްބަރ 7 ގައެވެ. އެ ފިލްމުގައި އާމިރުގެ އިތުރުން އަމީތާބް ބައްޗަންއާއި ފާތިމަތު ސަނާ ޝައިޚް ވެސް ފެނިގެންދާނެއެވެ.