ދިރާގުން ސެމްސަންގ ގެލެކްސީ އެސް 9 އަދި އެސް 9 ޕްލަސް ފޯނުގެ ޕްރީ އޯޑަރަށް ފުރުސަތު ހުޅުވާލައިފި
ޕްރީ އޯޑަރަށް ހުޅުވާލީ މާރޗު 15 އިން ފެށިގެން
ސެމްސަންގ ގެލެކްސީ އެސް 9 އަދި އެސް 9 ޕްލަސް ފޯނު
ދިރާގުން ސެމްސަންގ ގެލެކްސީ އެސް 9 އަދި އެސް 9 ޕްލަސް ފޯނުގެ ޕްރީ އޯޑަރަށް ފުރުސަތު ހުޅުވާލައިފި އެވެ.
ދިރާގުން ބުނީ މަރޗު 15 ވަނަ ދުވަހުން ފެށިގެން ސެމްސަންގ ގެލެކްސީ އެސް 9 އަދި އެސް 9 ޕްލަސް އަށް އޯޑަރު ކުރުމަށް ފުރުސަތު ހުޅުވާލާފައިވާ ކަމަށެވެ.
އިންސްޓޯލްމެންޓަށް ފޯނު ގަތުމުގެ ފުރުސަތު ދިރާގުން ޕޯސްޓްޕެއިޑް ކަސްޓަމަރުންނަށް ހުޅުވާލާފައިވާ އިރު ފޯނު ގަންނަތާ 6 މަސް ދުވަސްތެރޭ 5 ޖީބީ ހިލޭ ބޭނުން ކުރެވޭނެ ކަމަށްވެސް ދިރާގުން ބުނެ އެވެ.
މީގެ އިތުރުން ޕްރީ އޯޑަރ ކުރާ ކަސްޓަމަރުންނަށް ސެމްސަންގ ގިއަރ ސްޕޯޓްސް ގަޑިން 30 ޕަސެންޓް ޑިސްކައުންޓް ލިބިގެންދާނެ ކަމަށް އެ ކުންފުނިން ބުނެ އެވެ. ދިރާގުން ސެމްސަންގ ގަޑި ވިއްކަން ފަށަނީ އޭޕްރީލްގެ ފަހުންނެވެ.
ސެމްސަންގް އެސް 9 އަދި އެސްނައިން ޕްލަސްގެ 64 ޖީބީ އާއި 128 ޖީބީ ލިބިގެންދާ އިރު ތިން ކުލައިން ފޯނު ލިބެން ހުންނާނެ ކަމަށް ދިރާގުން ބުނެ އެވެ. ދިރާގު ވެބްސައިޓަށް ވަދެ ކަސްޓަމަރުންނަށް ޕްރީ އޯޑަރ ކުރެވޭނެ ކަމަށް ދިރާގުން ބުންޏެވެ.
