ކުއްލި ނުރައްކަލުގެ ހާލަތުގެ ދަށުން ހައްޔަރުކުރި އެމްޑީޕީގެ އެކްޓިވިސްޓަކު 24 ދުވަހަށް ފަހު ދޫކޮށްލައިފި
11 މާރިޗު 2018 | އާދީއްތަ 19:16ކުއްލި ހާލަތު އިއުލާނުކޮށް ގިނަ ބަޔަކު ހައްޔަރުކޮށްފައިވޭ
މުހައްމަދު މޫސާ ރަފީއު، އެމްޑީޕީގެ އެކްޓިވިސްޓްއަކާއެކު
ކުއްލި ނުރައްކަލުގެ ހާލަތުގެ ދަށުން ހައްޔަރުކުރި އެމްޑީޕީގެ އެކްޓިވިސްޓަކު 24 ދުވަހަށް ފަހު ދޫކޮށްލައިފި އެވެ.
ފެބްރުއަރީ 15 ވަނަ ދުވަހު ސިޓްރޮން ކެފޭގައި، އޭނާގެ އަންހެނުންނާއެކު ކާން އިންދައި ހައްޔަރުކުރި ގ. ލައިލަތު، މުހައްމަދު މޫސާ ރަފީއު (މޯޑް) ދޫކޮށްލީ އާދީއްތަ ދުވަހު އެވެ.
އޭނާ ބުނި ގޮތުގައި އޭނާގެ މައްޗަށް ތުހްމަތުކުރީ ގާނޫނީ ސަރުކާރު ބަދަލުކުރަން ރޭވުމާއި، ކުށެއް ކުރަން އުޅުމެވެ. މި ހުރިހާ ތުހްމަތަކަށް އޭނާ ވަނީ އިންކާރުކޮށްފަ އެވެ.
"ޖަލުގައި މިހާ ގިނަ ދުވަހު ބެހެއްޓިއިރު ސުވާލުކުރީ އެންމެ ފަހަރަކު، ތަހްގީގު އެ ނިމުނީ،" އޭނާ ކިޔަިދިނެވެ.
ކުއްލި ނުރައްކަލުގެ ހާލަތުގެ ދަށުން ކުރީގެ ރައީސް މައުމޫނު އަބްދުލް ގައްޔޫމާއި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދާއި ފުލުހުންނާއި ސިފައިން ވެސް ހައްޔަރުކުރި އެވެ. އަދި މަޖިލީހުގެ މެމްބަރުން ވެސް ވަނީ ހައްތަރުކޮށްފަ އެވެ،
