މިރޭގެ މުޒާހަރާ އިން ތިން މީހަކު ހައްޔަރުކޮށްފި
އެއްވެސް ފަރާތަކަށް މަގުމަތީގަ އާއި ޖަގަހަތަކުގެ ތެރޭގައި ހަރަކާތް ހިންގަން ފުރުޞަތު ނުދޭނެ ކަމަށް ފުލުހުން ވަނީ ބުނެފަ
ފުލުހުންގެ ބެލުމުގެ ދަށަށް ނައިމާއްތަ ގެންދަނީ
މިމަހުގެ 1 ވަނަ ދުވަހު ސުޕްރީމް ކޯޓުން ނެރުނު އަމުރު ތަންފީޒް ކުރުމަށް ގޮވާލާ، ގުޅިފައިވާ ޕާޓީތަކުން ބޭއްވި ސިލްސިލާ މުޒާހަރާގެ ތެރެއިން މިރޭ ތިން މީހަކު ހައްޔަރުކޮށްފިއެވެ.
ފުލުހުން ހައްޔަރުކޮށްފައިވަނީ އެމްޑީޕީގެ ސަޕޯޓަރެއްކަމުގައިވާ ނައީމާ މުހައްމަދު (ނައިމާއްތަ) އާއި އިތުރު އަންހެނަކާއި ފިރިހެނެކެވެ.
މި ތިން މީހުން ހައްޔަރުކޮށްފައިވާކަން ފުލުހުން ކަށަވަރު ނުކޮށްދިން ނަމަވެސް، މުޒާހަރާ ކަވަރުކުރަމުންދިޔަ ރާއްޖެޓީވީގެ ނޫސްވެރިޔާ ހުސެއިން ހަސަން ބުންޏެވެ.
މިރޭގެ އެއްވުން ރޫޅާލުމަށްޓަކައި ފުލުހުން ބާރުބޭނުން ކޮށްފައެއް ނުވެއެވެ.
ފުލުހުން މިއަދު ބޭއްވި ނޫސްވެރިންގެ ބައްދަލުވުމުގައި ވިދާޅުވީ މާލޭގެ އަމަން ގާއިމުކުރުމުގެ ގޮތުން އެއްވެސް ފަރާތަކަށް ރޭގަނޑު 10:30 ގެ ފަހުން އެއްވުން ބޭއްވުމަށް ފުރުސަތު ނުދޭނެކަމަށެވެ.
މިކަމުގައި ސިޔާސީ އެއްވެސް ފަރާތެއް އިސްތިސްނާ ނުކުރާނެ ކަމަށް ފުލުހުންގެ ތަރުޖަމާން އަހްމަދު ޝިފާން ވަނީ ވިދާޅުވެފައެވެ.
