އީރާނުގައި 66 މީހުންނާއެކު ދަތުރުކުރި ފްލައިޓެއް ވެއްޓިއްޖެއެވެ
އެ ގައުމުގެ މީޑިއާ ރިޕޯޓުތައް ބުނާ ގޮތުން އަސްމަން އެއާލައިންސްގެ މި ފްލައިޓަކީ "އޭޓީއާރް 72" މަރުކާގެ ބޯޓެކެވެ. މި ފްލައިޓް ދަތުރުކުރަމުންދިޔައީ ވެރިރަށް ތެހެރާންއިން ޔަސުޖް ނަމަކަށް ކިޔުނު ސިޓީއަކަށެވެ. މި ފްލައިޓް ރާޑަރ އިން ގެއްލިފައިވަނީ ނައްޓާލިތާ 20 މިނެޓު ފަހުންނެވެ. ރިޕޯޓުތައް ބުނާގޮތުން ފްލައިޓް ވެއްޓުމުގެ ކުޑަ ވަގުތުކޮޅެއް ކުރިން އިމަޖެންސީގައި ޖެއްސުމަށް ޕައިލެޓު ދިޔައީ މަސައްކަތްކުރަމުންނެވެ. މި ފްލައިޓް ވެއްޓިފައިވަނީ ދެކުނު އީރާންގެ ފަރުބަދަމަތީ ސަރަހައްދެއް ކަމަށްވާ ސެމިރޮމްއާ ކައިރި ހިސާބަކަށެވެ.
މޫސުން ގޯސްވުމުގެ ސަބަބުން ފްލައިޓް ވެއްޓުނު ސަރަހައްދަށް މީހުން ސަލާމަތްކުރާ ޓީމުތައް ދިޔުމުގައި ވަނީ ހުރަސްތަކަކާއި ކުރިމަތިވެފައެވެ. މި ހާދިސާ ތަހުގީގު ކުރުމުގެ މަސައްކަތް އީރާންގެ ކަމާބެހޭ އިދާރާތަކުން ދަނީ ކުރަމުންނެވެ.
