ގދ.ރަތަފަންދޫއަށް ބޯކޮށް ވާރޭވެހި ފެން ބޮޑުވެއްޖެ!
17 ފެބުރުއަރީ 2018 | ހޮނިހިރު 10:39ފެން ބޮޑުވުމާ ގުޅިގެން ސަދަން އޭރިއާގެ ސިފައިން މިހާރު ހަރަކާތްތެރިވާން ފަށައިފައި
އެމްއެންޑީއެފުން ދަނީ ފެން ހިންދަމުން
ދެކުނުގެ އަތޮޅުތަކަށް މިހާރު ކުރަމުންދާ ވިއްސާރާގައި ގދ.ރަތަފަންދޫގައި ފެންބޮޑުވެއްޖެއެވެ.
އެމްއެންޑީއެފުން ބުނީ، އެރަށުގައި ފެން ބޮޑުވުމާ ގުޅިގެން ސަދަން އޭރިއާގެ ސިފައިން މިހާރު ހަރަކާތްތެރިވާން ފަށައިފައިވާ ކަމަށެވެ.
ހުކުރު ދުވަހުގެރޭ މެންދަމުން ފެށިގެން ގދ.ރަތަފަންދޫއަށް ބޯކޮށް ވާރޭވެހި ފެން ބޮޑުވެ އެރަށުގެ ބައެއް ގޭގެ އާއި ޚިދުމަތް ދޭ ތަންތަނަށް ވެސް ވަނީ ފެންވަދެފައެވެ. އަދި ފެން ހިއްކުމުގެ މަސައްކަތުގައި އެމްއެންޑީއެފް ސަދަން އޭރިއާ ކާޑެއްދުޫ ޕޯސްޓާއި ތިނަދޫ ފަޔަރ ސްޓޭޝަންގެ ސިފައިން އަންނަނީ ހަރަކާތްތެރިވަމުންނެވެ.
މި ހާދިސާގައި، އެރަށުގެ ދެ ގެއަކަށް ފެން ވަދެފައިވާއިރު މި ދެ ގެއިން ފެން ހިއްކުމުގެ މަސައްކަތް އެމްއެންޑީއެފް ސަދަން އޭރިއާގެ ސިފައިން އަންނަނީ ކުރަމުންނެވެ. މީގެ އިތުރުން އެރަށުގެ މަގުތަކުގައި ހެދިފައިވާ ފެން ހިއްކުމަށްޓަކައި ޕަމްޕު ޖައްސައިގެން ދަނީ ފެން ހިންދަމުންނެވެ.
