ވޯލްޑް ކަޕް ޓްރޮފީ ޓުއަރއާ ގުޅިގެން މާލޭގެ ބައެއް މަގުތައް ބަންދުކުރުމަށް މޯލްޑިވްސް ޕޮލިސް ސާވިސް އިން ނިންމައިފިއެވެ.
ފުލުހުންގެ އިދާރާ އިން ބުނީ މަގުތައް ބަންދުކުރަން ނިންމީ ޓުއަރގެ ދަށުން ކުރިޔަށް ގެންދާ ހަރަކާތްތައް ކުރިޔަށް ގެންދާ ސަރަހައްދުތަކުގައި ޓްރެފިކް ބެލެހެއްޓުމުގެ ގޮތުން ކަމަށެވެ. އެގޮތުން މިއަދާއި މާދަމާ ކުރިޔަށް ގެންދާ ހަރަކާކްތައް ފެށިގެން ނިމެންދެން ހަރަކާތްތައް ކުރިޔަށް ގެންދާ ސަރަހައްދުތަކުގެ ބައެއް މަގުތައް އާންމު ޓްރެފިކްއަށް ބަންދު ކުރެވޭނެ ކަމަށް ފުލުހުންގެ އިދާރާއިން ބުނެއެވެ.
FIFA World cup trophy tour aagulhigen Male' gai kuriah gendhaa harakaaiythah kuriahdhaa sarahadhu thakuge traffic flow hamajehifai vaagoiy pic.twitter.com/A1um9bTFDb
— Maldives Police (@PoliceMv) January 24, 2018
ވޯލްޑް ކަޕް ޓްރޮފީ ޓުއަރގެ ތެރެއިން މިރޭ ގަލޮޅު ދަނޑުގައި ހާއްސަ ހަރަކާތްތަކެއް ކުރިޔަށް ގެންދިޔުމަށް ނިންމާފައިވާއިރު މާދަމާ މާފަންނު ޓާފް ސްޓޭޑިއަމްގައި ވެސް ހާއްސަ ހަރަކާތްތަކެއް ކުރިޔަށް ގެންދާނެއެވެ. ހަމައެހެންމެ ފުލުހުން ހާމަކޮށްފައިވާ ގޮތުގައި ރަސްމީ ފާލަމާއި ހޮޓެލް ޖެން ހިމެނޭ ސަރަހައްދު ވެސް ބަންދުކުރުމަށް ނިންމާފައިވެއެވެ.
ވޯލްޑް ކަޕްގެ ޓްރޮފީ ޓުއަރ ފެށީ މި މަހުގެ 22 ވަނަ ދުވަހު އިނގިރޭސިވިލާތުގެ ލަންޑަނުންނެވެ. މިއީ މި ޓުއަރ ކުރިޔަށް ގެންދާ ހަތަރުވަނަ އަހަރަށްވާއިރު މިއަހަރުގެ ޓުއަރގައި ދުނިޔޭގެ ހަ ބައްރުން 51 ގައުމެއްގެ 91 ސިޓީގައި މި ޓްރޮފީ ދައްކާލާނެއެވެ.
